الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» استشاره لاصحاب البوكلينات nلأفضل البوكلينات n

قبل 3 سنه و شهر
آخر تحديث قبل أسبوع
#11002958
السلام عليكم ورحمة الله وبركاته <br>يأخوان ابي مشورتكم في افضل انواع البوكلينات كل الي عنده خبره يشور علي باالبوكلين الأنسب من خلال القوه والتحمل <br>رخص قطع الغيار <br>سهوله الصيانه وعدم التعقيد <br>سهوله البيع لو الواحد بغا يبيع وعدم نزول السعر كثير فيما بعد <br>صراحه كنت حاط في راسي هواندي <br>لاكن تخوفت من نزول سعره فيما بعد والناس تمدحه في رخص قطع الغيار وانه يتحمل <br>انا المبلغ الي عندي حول 150 الف يعني مااقدر اشتري جديد <br>ابغا لي بوكلين مستخدم يصبر معي ولا اتورط فيه وان بغيت ابيعه يكون نزوله شوي ماهو كثير <br>مريت اهل البوكلينات وكل واحد يمدح الي عنده والله اني احترت <br>الله يحرم وجه كل من يشور علي بكل صدق عن النار وان يرزقه من حيث لا يحتسب وجزاكم الله خيرا
وسوف يتم تحديث الاعلان دوريآ لكي يستفيد من يبحث عن معلومه والاجر بأذن الله لكل من قدم معلومه تفيد من يبحث عنها
جزاكم الله خيرآ واشكر كل من شارك في هذه الاستشاره ولكم الاجر ان شاء الله
وسيلة الإتصال :
أرجو المراسلة عبر الرسائل الخاصة بالموقع


  شاحنات ومعدات ثقيلة

  شاحنات ومعدات ثقيلة 2017

  معدات ثقيلة

  معدات ثقيلة 2017



إحذر من التعامل غير المباشر.
إستخدم القائمة السوداء قبل أي عملية تحويل
›› 1
››   قبل 3 سنه و شهر
يالحبيب ١٥٠ الف ما راح تجيب لك بوكلين نظيف

بتحصل لكن مكروف و يخسرك طلبات وقطع
وفوق هذا كله ما راح تقبله الشركات إلا نادرا .

ولو بعت ما راح يكون مرغوب كثير


الأنواع الزينة كثيرة لكن وين النظيف ؟

عندك كوماتسو داش 6
الهيتاشي
الفولفو من ٢٠٠٤ وفوق
الهونداي داش ٧
الدوسان

وبالتوفيق
›› 2
››   قبل 3 سنه و شهر
›› 3
››   قبل 3 سنه و شهر
الهونداي خيار مناسب جدا تحمل وقطع
››   قبل 3 سنه و شهر
السووووق ناااايم مااابه اشغال
الا انكانك عارف وين بتشغلة
››   ahmad_3152
›› 5
››   قبل 3 سنه و شهر
اخوي الله يرزقك القديم طيب بشرط النظافه .... الهونداي ممتاز ... ولى عليك بالبيع كده 5 سنوات قدام مع الانتباه له والصيانه الدوريه .... اهم شي يكون 210 داش 7 ... ومبلغك اخوي مع احتراملك ما يجيبلك شي دفها شوي ... وخل معك رصيد للطواري ..هذا معده حتى لو كانت جديده يبغالها متابعهليات شهريا وشحم وعتل لدقاق واشياء طارئه . اخوي اتمنى لك التوفيق
››   ahmad_3152
›› 6
››   قبل 3 سنه و شهر
اخوي الله يرزقك القديم طيب بشرط النظافه .... الهونداي ممتاز ... ولى عليك بالبيع كده 5 سنوات قدام مع الانتباه له والصيانه الدوريه .... اهم شي يكون 210 داش 7 ... ومبلغك اخوي مع احتراملك ما يجيبلك شي دفها شوي ... وخل معك رصيد للطواري ..هذا معده حتى لو كانت جديده يبغالها متابعه ليات هدوليك شهريا وشحم وعتل لدقاق واشياء طارئه . اخوي اتمنى لك التوفيق
››   ولد حرب 66
›› 7
››   قبل 3 سنه و شهر
الله يبيض وجه من شارك برايه وجزاكم الله خير
وننتضر باقي الاخوان نستفيد منهم
›› 8
››   قبل 3 سنه و شهر
انصحك بالانتظار الاشغال واقفه مافيه عمل
››   ولد حرب 66
›› 9
››   قبل 3 سنه و شهر
يأخوان باالنسبه للعمل موجود والرزق على الله سبحانه
انا سؤالي عن افضل البوكلينات الله يجزاكم خير وويوفقكم
اما العمل موجود وان كان لي رزق باخذه والرزق على الله سبحنه
›› 10
››   قبل 3 سنه و شهر
دامك صامل خذ لك هونداي
›› 11
››   قبل 3 سنه و شهر
إذا عندك دخل ثاني وتقدر تغطي الأقساط في حال العجز وانعدام الشغل
خذ جديد أقساط
مقدم ١٠٠ إلى ١٥٠ الف
والباقي كل شهر ١٠ أو ١١ الف تزيد أو تنقص حسب الشركة
وأهم شيء السواق

كتر عندهم عرض أقساط بسعر الكاش مقدم ٧٥ الف

الاستخارة طيبة
وبالتوفيق
››   ولد حرب 66
›› 12
››   قبل 3 سنه و شهر
الله يوفقك ويجزاك خير
›› 13
››   قبل 3 سنه و شهر
عزيزي السلام عليكم ادفعها دفعه مقدمه للفطيم وكيل فلفو وكمل الباقي اقساد والشغل موجود حفر أرضيات وخزانات والخير واجد ان شاء الله والجديد يريحك كثير وضمان مفتوح لمدة عام
››   قبل 3 سنه و شهر
كوماتسو داش ٥
بعده
كوماتسو داش ٦
››   أبونادر666
›› 15
››   قبل 3 سنه و شهر
بعد إذنك ياصاحب الإعلان

طيب يااخوان فيه شركات يستوردون معدات -مستعملة- من أوروبا ولا امريكا بأسعار منخفضة نسبيا.. وشرايكم فيهم تنصحون فيهم ولا نبتعدعنهم؟
›› 16
››   قبل 3 سنه و شهر
المستوردة
خاصة المعدات الثقيلة غالبا ما تناسب أجواءنا

وخاصة المعدات اللي تجي من مصر ودبي والأردن
هذي لو يقولون بريال
››   أبونادر666
›› 17
››   قبل 3 سنه و شهر
كيف ماتناسب أجواءنا؟ نفس الشركات الي عندنا.. وانا يمكن أشتري راس من برى وصندوق قلابي محلي؛ وشرايكم؟
››   أبونادر666
›› 18
››   قبل 3 سنه و شهر
أنا أبغى أأجر على شركة بعقد، أيهم أفضل وأكثر طلب للتشغيل قلابيات ولا معدات؟
وأيهم خرابات أكثر؟
››   abdullqh_4800
›› 19
››   قبل 3 سنه و شهر
الله يوفقك .. نصيحه حط لك مبلغ للطوارئ لاسمح الله ومن ناحية الزين تعرفه بعد الاستخاره وبعد الاستخاره تاخذ بالاسباب واللي ارتحت له حتى لوه صيني يمكن رزقك فيه .. واللي اسمع الناس تمدحه الكماتسو . ومن ناحية المبلغ ان كان تقدر تصبر وتوصل لل ٢٠٠ اقل شي بتلقى شي نظيف .. والسواق هو زبدة المعده ان كانه مظبوط ظبطت المعده .. وبالله التوفيق
››   abdullqh_4800
›› 20
››   قبل 3 سنه و شهر
وكلن ادرى بحاله لكن بعض الشركات اقساطها زينه للمبتدا الدوسان والفلفو اشوفها كثير اقساط
››   ولد حرب 66
›› 21
››   قبل 3 سنه و شهر
لاهنت اخوي 4300 وكل شي بدون توفيق الله ضائع
››   ولد حرب 66
›› 22
››   قبل 3 سنه و شهر
اقصد 4800
›› 23
››   قبل 3 سنه و شهر
هل فكرت في العرجا ؟

سعرها أقل من البوكلين
والدخل قريب من دخل البوكلين
ومرغوبة للشركات
››   abulara22
›› 24
››   قبل 3 سنه و شهر
تبي شوري لاتشتري الحين السوق مره نايم مافيه شغل انتضر الين يزين الوضع الاقتصاد
››   abdullqh_4800
›› 25
››   قبل 3 سنه و شهر
تبي شوري توكل على الله واشتر الحكومه عندها عجز ووقفت المشاريع صح وققلت المستخلصات لكن القطاع الخاص مثل شركات تطوير والمقاولات بيزين اقتصادها من ناحية ارتفاع الارضي كل الناس تبي تبنني
››   ولد حرب 66
›› 26
››   قبل 3 سنه و شهر
الله يعافي كل من ادلى برائيه وجزاكم الله خير
›› 27
››   قبل 3 سنه
صح في ركود هالايام ولكن رزقك على رب العباد .
توكل واجزم وخذ بوكلين هونداي هي اللي مكتسحه السوق وقطع غيارها رخيصه وصبوره بس مبلغك وانا اخوك مايجيب النظيف فكر بالعرجا اذا ماتقدر تزيد المبلغ
واذا تفكر بالجديد لازم يكون عندك دخل غير دخل المعده لان لازم تأخذ بالحسبان ان الشركات نادر ماتحاسبك بالشهر لازم تلطعك كم شهر وبعدها تأخذ مستخلصك ...استخير وتوكل المعدات فيها خير
››   ولد حرب 66
›› 28
››   قبل أسبوع
تم تحديث الاعلان للاستفاده من اراء الاخوان شكرآ لكل من شارك ويشارك في رائه
››   البطين ج
›› 29
››   قبل 5 يوم و 5 ساعه
بشر عساك اشتريت وشلون الشغل

يجب عليك تسجيل الدخول حتى تتمكن من إضافة رد.