الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» ماطور بويه paint zoom أدخل للضرورة

قبل شهر و أسبوع
آخر تحديث قبل يوم و 14 ساعه
#42191331


اعلان تحذيري

عن الماطور اللي بالصورة حق البويه

شفت اعلانات كثير عنه و اعجبني المشكله كلمت كم واحد هنا بحراج يمدحونه

اقولهم استخدمتوه يقولون ايه ممتاز المهم ما حبيت اغامر رغم اني شفته باليوتيوب شيء مبهر

نزلت الصواريخ و شريته بـ90 ريال و رجعت البيت جربته بمويه اول شيء يرش رذاذ لكن ماهو متساوي

يعني الماء اكثر من الهواء المقصد يطلع كأنها رشة مطر

ثاني يوم فضيت له و حطيت البويه و جهزت نفسي لرش السيارة دخلتها بالحوش مصدق نفسي

و امد توصيلة الكهرباء و اشبك الماطور و متحمس

اجي اجرب ابي ارش ما تطلع قطره لا رذاذ ولا شيء مجرد هواء فقط

أتأكد فيه تنسيم شيء بالقارورة كل شيء سليم ارجع ارش و اخفف البوية حتى صار التنر اكثر من البويه

صار يطلع نقاط سايل ما يرش على السيارة ينقط تنقيط على الارض

أقسم بالله ولا جاء ولا 1% من المقاطع اللي اشوفها دعايات باليوتيوب ولا حتى كلام البائعين بحراج

كويس ما شريته من هنا شاريه من محل يعني ارجع له و اعطيه جهازة الخايس و اخذ فلوسي

حتى يوم رحت المحل اليوم العصر زعلان العامل يقول انا خسارة وش دخلني فيك تخسر او تربح

بعتني شيء ماله فايدة لا يرش ولا شيء

ضربت مشوار من الصفا للصواريخ مرتين رايح جاي بدون فايده

و بالتوفيق
ماطور بويه paint zoom أدخل للضرورة
وسيلة الإتصال :
الخاص و العام

يوجد عضو ينصح بالتعامل.


›› 1
››   قبل شهر
جزاك الله خير
››   awadmmq
›› 2
››   قبل 3 أسبوع
شكرا لك
››   saleh al nasser
›› 3
››   قبل 2 أسبوع و يوم
الله يعطيك العافية ويكثر من امثالك والله اني بغيت اتورط مثلك هنا ناس تدلس وتكذب ولا تخاف الله
››   قبل 2 أسبوع و يوم
كثير كذابين يمدح شيء بالكذب
و اليوتيوب يجيب لك تجارب غير صحيحه
››   adil 1429
›› 5
››   قبل أسبوع و 2 يوم
صحيح
انا اشتريت واحد واستعملته سئ جدا ومتعب ولا منه فايده...
انا ضربت السطح بويه وتعجبني... ولو اشتغلته ب الرول كان أفضل واسرع
››   قبل أسبوع و 2 يوم
مختلف تماما عن الصور و الاعلانات
››   قبل أسبوع و 2 يوم
رحت سألت عن المواطير الكهرباء الكبيرة مثل حق الورش
و الحجم الاصغر
إيجارة يوم كامل الماطور مع المسدس و كامل العده ٣٠ ريال
و قوة صح ترتاح بالاستعمال
تحصله عند محلات ايجار المعدات
››   ابنمكه
›› 8
››   قبل أسبوع و 2 يوم
جزاك الله خيرا والله كنت بشتري
››   قبل 6 يوم و 9 ساعه
ترش سياره بالبيت ؟؟؟؟؟؟؟ وش الشغل ذا ماراح تضبط اصلا
››   قبل 6 يوم و 9 ساعه
ههههههههههههه ايه بالبيت وين ارشها اجل وش الفرق بيني و بين الورشه
››   قبل 6 يوم و 2 ساعه
الفرق ان الورشة خبره بالرش وعيوب البويه وغيره وصنفره وووووو وكم وجه يرش ،، وبالبيت تجي الوان
››   قبل 6 يوم و ساعه
الرش المطفي خاصه الأبيض و اللؤلؤي سهل
لكن الرش بلمعه صعب بالبيت

يجب عليك تسجيل الدخول حتى تتمكن من إضافة رد.