الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» ونيت رام 1200 يااهل الخبرة

قبل شهر و أسبوع
آخر تحديث قبل 3 أسبوع و يوم
#43404143
احد يفيدنا عن الونيت الرام يا اخوان كيف استخدامه وقطع غيارة ويتحمل والا لا من جربه يفيدنا امانه
ونيت رام 1200 يااهل الخبرة
ونيت رام 1200 يااهل الخبرة
وسيلة الإتصال :
0


  دودج

  رام

  رام 2020



إحذر من التعامل غير المباشر.
إستخدم القائمة السوداء قبل أي عملية تحويل
››   salh47
›› 3
››   قبل شهر و أسبوع
مجربه والله سيئ
››   aallii1406
›› 4
››   قبل شهر و أسبوع
كم سعرة
››   عتيبيh
›› 5
››   قبل شهر و أسبوع
ياطالع سعره مغري ويجي منه ديزل بعد
››   عتيبيh
›› 6
››   قبل شهر و أسبوع
سيء من اي ناحيه.... وضح الله يجزاك خير
›› 7
››   قبل شهر و أسبوع
م
›› 8
››   قبل شهر و أسبوع
اللي جرب سيارة رام يفيدنا

خبركم السيارة جديدة وودنا بأكبر عدد من المعلومات
›› 9
››   قبل شهر
ماش علم ان شاء الله يجي من جربها ويعلمنا
››   معلم عاشق
›› 10
››   قبل شهر
ماتصلح ياولد العم
›› 11
››   قبل شهر
ليش وش عيوبها الله يجزاك خير
›› 12
››   قبل شهر
انا عندي وحده مطلعها من 5 شهور زيها زي المتشوبيشي نفس القطع وميزتها ديزل
الفحمات انصدمت منها بعد 4 شهور طلع صوت بعد الامطار وغيرتها
بشكل عام السياره حلوه وسعرها مناسب
›› 13
››   قبل شهر
كيف عزمها ومكيفها
›› 14
››   قبل شهر
العزم والتكييف بطل
››   7rf.bar3
›› 15
››   قبل شهر
أخوي أنا شريت السيارة قبل شهر تقريبا طبعا بنزين غمارة وأنا شريتها لأن شدني رخص قيمتها فتوكلت على الله وشريتها وأنا راح أعطيك تجربتي باللي أعرفه وفيه كثير أشياء أنا أجهلها بالسيارة
١ صرفيتها داخل المدينة عادية لاتذمها ولا تمدحها
في الخط راح تشرب اكثر لأن نمرها قصيرة
٢ مكيفها ثلج
٣ بدي قوي جدا والموتر ثقيل
٤ راسية بالنسبة للونيتات ومريحة جدا لأن تعليقها الأمامي يايات
٥ والموتر ميتسوبيشي ١٠٠٪ ومعروفة بقوتها لأن لو كان تصنيع دوج مستحيل اشتريه لأنها شركة فاشلة لكن فيها ميزة كأن عندك وكيلين للسيارة
٦قطع الغيار الى الان انا اجهلها ولا بعد اطلعت عليها من ناحية الاسعار لكن تقدر قبل لا تتشتري تروح لمحلات قطع غيار المتحدة وتسئلهم عن الاشياء الاساسية وتاخذ فكرة عامة عن قطع الغيار
والله يرزقك باللي تتمناه
›› 16
››   قبل شهر
الله يجزاكم خير ولازلنا ننتظر اراء الاخوان اللي جربوها
››   7rf.bar3
›› 17
››   قبل شهر
ياخوك لوك بتشتري باخرة ولا قصر كلها كسرة موتر وأنا أقولك الموتر ميتسوبيشي ١٠٠٪ فمن ناحية الصبر لاتخاف أما قطع الغيار فاسئل المحلات واذا ناسبك توكل على الله وشتر ولا هون أما التردد مافيه خير وأنا خوك وحتى لو لاقدر الله وتخوبرت مب أنت أول واحد يتخوبر ياما رجال تخوبرو وتجي العافية أهم شي أنك سئلت واستخرت والباقي توفيق من الله
››   عتيبيh
›› 18
››   قبل شهر
الا خل الرجال يتأكد زياده وأمر الله من سعه..... ليش العجله.... واحتمال غير طالع يشتري لان فيه ناس بيشترونها ومترددين.... وتصير الفايده عامه
››   7rf.bar3
›› 19
››   قبل شهر
شف ياحبيبنا الموتر توه جديد ماله فترة بالسوق
فما تقدر تاخذ معلومات زيادة عن اللي موجود
لو انه ددسن ولا هايلوكس كان غرقوك معلومات بس جديد مالك إلا تعرفه من قوة الشركة ومع الوقت بيكونون الناس خبرة عن هذا الموتر من مزايا وعيوب أما الان فما تقدر تسئل واحد عن وهو ماقعد معه الا شهرين وانا علمك فهي بالاشياء المبدئية
››   عتيبيh
›› 20
››   قبل شهر
الله يجزاك خير ويطول بعمرك
››   7rf.bar3
›› 21
››   قبل شهر
وياك الله يحفظك
››   قبل 3 أسبوع و 4 يوم
خذ ديزل غمارتين واي موتر جديد يبي له 3 سنوات لا يخرب . 3 سنوات نعمه .
››   قبل 3 أسبوع و 2 يوم
السلام عليكم و رحمة الله و بركاته
الأخ اللي يسأل عن الرام
أنا شريت غمارتين دبل ديزل قبل أكثر من سنة
قلة سعرها بالنسبة لمثيلاتها مغري جدا
وسافرت فيها مسافات طويلة جدا جدا وصعدت فيها لقمة جبال فيفا وجبال عمان
السيارة عملية وقوية ودبلها بالنفود أقوى من الهايلوكس بسبب خفة وزنها
وعزمها بالخط مثل الهايلوكس ال 2015 البنزين وأزين
بالنسبة لصرفية الديزل على السرعة من 120كم إلى 160 تمشي بالتانكي 700كم وزيادة
وعلى سرعة من 80 إلى 100 تمشيك بالتانكي 900 كم وزيادة وهذا من واقع تجربة سافرت عليها للأردن ومشيت فيها 975كم فقط ب 79 لتر ديزل
قطع غيارها إذا سلمك الله من الحوادث ماغير فلاتر وزيت
وشيك على ربلات العكوس الأمامية كل ماغيرت زيت لأنها هي اضعف نقطة في جميع سيارات الدفع الرباعي
ملاحظة اعتقد أنها تحتاج تغيير مساعداتها بنوعية ممتازة وفي السفر بالنهار ووجود رياح تزعجك بصوت الرياح وتقل رساوتها ولكن بالليل والجو البارد راسية بشكل كبير
و كد ومد. وخذ الموتر وتبي تدعي لي
›› 24
››   قبل أسبوع و 6 يوم
حي ذراس يابو سلطان هذا الكلام بيض الله وجهك ورحم الله ولديك مانبي واحد يدخل علينا ويقول ماتصلح وهو مااستخدم الموتر
››   قبل أسبوع و 6 يوم
وجهك ابيض اخوي مبارك والله يحييك أنت والإخوان لاي استفسار
››   قبل 22 ساعه و 20 دقيقه
ابو سلطان ولا تهون قطع غيارها مثل المتسوبيشي في كل شي ؟
››   قبل 16 ساعه و 18 دقيقه
حياك الله
ماتفرق عن متسوبيشي إلابالعلامة
بس الغريب أنها وقفت عند موديل 2017 ماجاء منها موديل 18 و19
بينما المتسوبيشي مستمرة موديلاتها
فأنا وجهة نظري أن كل موديل يفرق عن اللي قبله 5000 ريال فاللي يبي يشتري يأخذ متسوبيشي 2019 حتى لو زاد عليه عشرة آلاف ريال فهي فرق موديلين
والله يوفق الجميع
››   قبل 15 ساعه و 40 دقيقه
انا حصلت وحده في معرض يقول 2019
››   قبل 14 ساعه و 54 دقيقه
اللي انت حصلت رام ولا ميتسوبيشي
وكم قيمتها
››   قبل 12 ساعه و 51 دقيقه
رام دبل يقول كاش ب 63 الف 2019
››   قبل 9 ساعه و 46 دقيقه
يمكن بنزين ماهي بديزل
››   قبل 8 ساعه و 13 دقيقه
لا يقول ديزل

يجب عليك تسجيل الدخول حتى تتمكن من إضافة رد.