الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» اللكزس السعودي والامريكي

قبل شهر
آخر تحديث قبل يوم و 14 ساعه
#44356376
يا اهل الخبره ناوي اخذ لكزس es2018 وحصلت في احد المعارض لكزس امريكي مررره نظيفه وشي راقي بس احترت في 1- هل يوجد اختلاف باللكزس الامريكي والسعودي؟ 2- وهل استطيع صيانتها عند الوكيل ابوجميل ؟ افيدوني

وسيلة الإتصال :
أرجو المراسلة عبر الرسائل الخاصة بالموقع


  ES

  ES 2016

  لكزس



إحذر من التعامل غير المباشر.
إستخدم القائمة السوداء قبل أي عملية تحويل
››   gentleman1
›› 24
››   قبل 4 أسبوع و يوم
انا سائل موظف بعبداللطيف جميل يقول القطع تختلف والسعودي والخليجي يختلف عن الامريكي ولكن ماحدد القطع
››   جنرال1000
›› 25
››   قبل 4 أسبوع و يوم
جنتلمان
يقولون كذا لاني هذي سياستهم اذا ماشريت من عندنا مانخدمك ياتشتري ولا مافي اما قطع شفت مقطع باليوتيوب واحد عنده محل قطع يقول اشترو عكوس مثلا حق سيارة افلون تركب ميه بالميه اما لو قلتم عكس لكزس بيصير السعر دبل اصلا الهيكل واحد مافيه فرق امريكي وسعودي
››   ابها عرب
›› 26
››   قبل 4 أسبوع
الي يقول يختلف كلام فاضي مكينه الكزس es وفالون واوريون وكامري امريكي الي تجي v6 كلها نفس القطع اذا محد يدري يا جماعه والي مو مصدق يروح يفتح كبوت لكزس امريكي وسعودي و وفالون ويشوف انه القطع نفسها بضبط
››   قبل 4 أسبوع
مساكم الله بالخير

مسألة الاختلاف ما اتوقع لأن كلها تطلع من مصنع واحد في اليابان
اما ابوجميل تواصلت مع لكزس السعوديه في تويتر
وافادوا انهم مايستقبلون السياره
حتى لو على حسابي
والسبب ان فيه اختلاف في المواصفات
رجعت اسأله وش الاختلاف عشان نكون على بيّنه
قال اختلاف وبس
دريت ان ماعندهم سالفه

بعدها تواصلت مع الهيئه السعوديه للمواصفات والمقاييس
وافادوا اني ارفع شكوى بالفواتير واوراق الجمرك وان السياره داخله السعوديه وذلك لأنها مطابقه للمواصفات والمقاييس للهيئه السعوديه
ارفع الشكوى لوزارة التجاره
ووزارة التجاره خلال ثلاث ايام بالكثير يرسلون خطاب استفسار من الهيئه السعوديه للمواصفات والمقاييس
وراح يردون عليهم ان السياره مطابقه للمواصفات والمقاييس

بعدها يتواصلون وزارة التجاره مع ابوجميل ويفرضون عليهم استقبال السياره اجباري

وسوري عالاطاله
››   thowub
›› 28
››   قبل 4 أسبوع
عندي كذا سياره لكزس ٢٠١٦ وكذا لون اللي يبحث عن لكزس يتصل علي ع هذا الرقم ٠٥٥٩٢٢٢٣٣٣
واصدر من امريكا ع الطلب
››   fars_om
›› 29
››   قبل 4 أسبوع
الامريكي يكون على طقوس بارده السعودي يتحمل الحراره اللي يقول مافي كذاب
الامريكي يختلف في كل شي حتى الحساسات والرديتر والمراوح السعودي يتحمل الحراره الامريكي مايتحمل وخراباته فالسعوديه كثير نصيحه لاتاخده واللي يقلك والله ما يعرف انا عندي امريكي وانصحك لوجه الله قبل ماتتورط مع السنين بتعرف واللي يقلك تحصله عنده معرض ويبغى يمشي اللي عنده ولاهو مايعرفها ولا يدري عنها
››   majeib
›› 30
››   قبل 4 أسبوع
اخوني الاعزاء
المشكلة الحقيقية والتي قد لايعرفه البعض الا من جراب وتعرض لعطل لاسمح الله وواجه المشكلة بنفسه. وشاف الفرق اخواني اي قطعة الكترونية او حساس. للسعودي لايشتغل على الامريكي ولا الياباني ولا الخليجي جاءة السيارة باربع مواصفات واربع برمجات هنا المشكلة بالموضوع مثال تعطلت عليك البوابة اشتريت من عبداللطيف جميل. نفسه ولاتختلف بشي لكن مارح تشتغل معاك. القطعة مارح تتعرف على كمبيوتر السيارة غير كذا الامريكي غير مصمم لا جوانا وهنا راح توجهك اعطال بسبب حرارة الجواء راح تلاحظ مواصفات عبد اللطيف جميل الحرارة الربع الامريكي الحرارة النصف طبعنا مع حرارة جونا والنص. راح تواجهك اعطال. بالالكترونيات للسيارة
خذ السعودي بدون تردد. اخوية.
انا من 1999 استخدم لكزس. من اقل السيارات بالاعطال. اهم نقطة لاتشتغل عند اي احد فيه. وافضل عمالة له الفلبين المتخصصون بصيانته
لدقتهم بالعمل
››   قبل 4 أسبوع
نِقاش مثمر،،، بارك الله فيكم
››   صالح787
›› 32
››   قبل 4 أسبوع
اقتنيت افالون امريكي ٢٠١٢ نفس قطع السعودي بالضبط الاختلاف بالعداد والمكيف واضاءه النهاريه والراديو - بامكانك تبرمج الراديو
وكذلك لكزس es٢٠١١ لايوجد هناك اختلاف .. الافالون الى الان ولله الحمد لاتشتكي من شي لاحراره ولاخلافه


››   صالح787
›› 33
››   قبل 4 أسبوع
واجهت مشكله بالمفاتيح البصمه طبعا جت بمفتاح واحد ولابد يكون عندك مفتاح اخر احتياط
الامريكي لابد تطلبه من برا لانه لايتبرمج عليه مفتاح ابو جميل له رقم خاص وتطلبه من امازون وتبرمجة وتقص عليه مفتاح حديد
فيه بعض الاخوه يستورد من كندا يقال نفس مواصفات السعودي بالضبط
››   صالح787
›› 34
››   قبل 4 أسبوع
طبعا السيارات المستورده لابد تمر ع هيئة المواصفات والمقاييس وتدفع مقابل ذلك ،، وبما انها مطابقه للمواصفات والمقاييس من المفترض الوكيل هنا يستقبل صيانتها وحتى ضمانها لو كان فيها خلل مصنعي
››   صالح787
›› 35
››   قبل 4 أسبوع
fars_om
بعض الاخوه هنا يعتقد ان امريكا جميعا ولايتها بارده وان السيارات تصمم ع طبيعة اجوائها .. ولايه تكساس من اكبر الولايات وكذلك فلوريدا جوها مقارب لاجواء الخليج بالصيف حاره جدا
››   abood 1696
›› 36
››   قبل 4 أسبوع
لابالله خذ سعودي اضمن وصيانه متوفره وموتور قيمته فيه
››   abuyasser16
›› 37
››   قبل 3 أسبوع و 6 يوم
اذا الموتر عاجبك استخر و توكل على الله
من خبرة شخص مايشتري الا سيارات من امريكا
اللي يقولون في فرق بين السعودي والامريكي يفكرون
بأيام التسعينات
صحيح ممكن تحصل فرق ببعض المواصفات والالوان الداخلية بس مستحيل تلاقي اختلاف بقطع غيار
انا كان معي افالون 2013 جايبها من امريكا بعتها بعد ما استخدمتها ٤ سنوات ولاعمري وصلت لمشكلة ان السيارة امريكية ولاتركب عليها اي قطعة
الحين معي لكزس ونفس الشيء ولله الحمد
وبالنسبة للي يقولون الجو بامريكا ، طيب اذا شخص عايش بولاية باردة مثل ميشغن ونقل لتكساس والا اريزونا هل تتوقع انه بيبيع سيارته والا يغير الرديتر حقها!؟

معلومة ان اللكزس الامريكية مصنوعة باليابان غير صحيح
اللكزس والافالون والكامري الامريكيات مصنوعة بمصنع تويوتا موتور بولاية كنتاكي بمدينة جورج تاون المملوك لشركة تويوتا الأم باليابان
››   جنرال1000
›› 38
››   قبل 3 أسبوع و 6 يوم
ابو ياسر
كفيت ووفيت ،شكرا لك معلومات قيمه
››   Az0zz
›› 40
››   قبل 3 أسبوع و 3 يوم
اخوي جنرال انتبه ترى اغلبها تكون سيارات شركة اوبر وكريم حتى لو امريكيه مكدوده على خشمها ومزبطينها للبيع
››   alqishawi6
›› 41
››   قبل 3 أسبوع و 3 يوم
تبي الصراحه خذ امريكي وبتدعيلي انا عندي لكزس امريكي ٢٠٠٩ والان بغيره واخذ امريكي ٢٠١٧
››   hamad737
›› 42
››   قبل 3 أسبوع و 2 يوم
م
››   zyaaad al7rbi
›› 43
››   قبل 3 أسبوع و 2 يوم
ياصاحب الاعلان تبي الكلام السنع الي معه مواصفات سعوديه يمدح سيارته والي معه امريكيه يمدح سيارته. والشريطيه حقين المعارض يروجون سمعه حلوه للمريكيه لجل يصرفون الكميات الي عندهم روح جده وشوف وش عندهم متكدسه


انت تبي النصيحه. خذ مواصفات عبدالطيف جميل وبعد عن اي سياره امريكيه
››   abuyasser16
›› 44
››   قبل 3 أسبوع و يوم
ماحد قال الامريكي افضل حنا نقول انه مافي فرق بينهم ، انتقادي للبعض من جهل يروح يشتري سيارة مستعملة وارد عبداللطيف جميل ب١٠٠ الف ونفس مواصفاتها امريكية ب٨٠ الف مع ان السعودية مالها ريكورد ولا هيستوري يشتريها بس يعتمد على حلف وذمة راعيها
››   قبل 3 أسبوع و يوم
وش الريكورد والهيستوري يابو ياسر
››   Az0zz
›› 46
››   قبل 3 أسبوع
ابراهيم يعني برنت مثل الامريكي يعلمك كل شي صار بالسياره لو تغير مسمار الجنط تعرف وتدري عنه
››   ابو عيد 911
›› 47
››   قبل 3 أسبوع
الا يا شباب انا ادور لكزس Es ولاحصلت بالمدينه الي انا فيها وين تنصحوني اروح الرياض ولا جده ولا الشرقيه ؟ ووش المعارض الي احصل فيها ال Es بكثره ؟ والي عنده ملاحظات بشكل عام عن ال Es ياليت يوضحها مشكوراً الله يجزاكم خير
››   أبو عوض55
›› 48
››   قبل 2 أسبوع و 2 يوم
معليش اللي يقولون مافيه اختلاف بقطع المكينه والكهرباء ما يعرفون شي رح اسأل اي كهربائي عن ظفيرة اللكزس الامريكي واللكزس السعودي وشف وش يقولك انا معي ٢٠٠٨ امريكيه تورطت بقطعها ما تلقاها حتى بالوكاله غير طلبيه وحلفت معاد اخذ الا سعودي .
››   جنرال1000
›› 49
››   قبل 2 أسبوع و 2 يوم
ابوعوض يمكن الموديلات القديمه اتوقع تغير الوضع الان
››   أبو عوض55
›› 50
››   قبل 2 أسبوع و 2 يوم
انا اتكلم عن تجربتي بالموديل هذاك كانت جدا سيئه
››   x_qazaq
›› 51
››   قبل أسبوع و 6 يوم
كلام الشباب صحيح اخوي تراها تختلف في نظام البرمجه ووالكهرباء بشكل عامل اما من ناحيه ميكانيكية نفس الشي الاختلاف في نظام البرمجة كنت اتابع حساب سناب الحربي المعروف وصارت معهم مشكله بهالخصووص افالون امريكية عطلانه عليهم نظام البصمه جابو لها نفس القطع وحاولو يبرمجونها ولا ضبطت معهم لان القطع فاكينها من سيارة سعودية لازم تكون القطع الكهربائية والي تحتاج برمجة تكون امريكية وسلامتكم وماقصر اخوي مجاهد جابها لك من الاخر
››   abuyasser16
›› 52
››   قبل أسبوع و 5 يوم
الظاهر لازم بعد اللي يشتغل عليها يكون امريكي
››   السامي2007
›› 53
››   قبل أسبوع و 4 يوم
يا اخوان لا اتوقع ان فيه فرق ناس كثير راكبين فوردات استخدام امريكي وافضل من السعودي ولا فيه مشاكل

يجب عليك تسجيل الدخول حتى تتمكن من إضافة رد.