الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» الاراضي متى تنزل بحفر الباطن

قبل 4 شهر و 2 أسبوع
آخر تحديث قبل 5 يوم و 16 ساعه
#45881439
‏ ياخوان الاراضي بحفر الباطن راح تنزل او لا ودي بجوار التاهيل الشامل العام حي الوادي على 60وو70 والان زادت الضعف اتكلم خلال السنتين القادمه ودي اشتري وارتاح

وسيلة الإتصال :
0500000000


››   عضو2357
›› 29
››   قبل 4 شهر و أسبوع
التطور القادم راح يكون افضل بإذن الله
راح نكون افضل دوله بالخليج من ناحية السكن
في ترتيب وفيه تنسيق وكله لصالح المواطن
بس للأسف فيه جشع وطمع من المستثمرين
واستغلال مو طبيعي للأراضي واغلبهم اشترو اراضي وبنو بيوت شعبيه
وبالتحديد المستهدف العسكري عشان الدعم ١٤٠ الف وبالاخير راح تدفعها اما من حقوقك او من تقاعدك
الاحظ الحين بيت عظم ماكمل شهرين معروض وعليه طلب وتنسيق وعربون وجب اوراقك نرفع لك ويفرح اذا زاد له اربعين رلا ثلاثين الف مايدري انه مستهدف من البنك والتاجر او المستثمر
انا اقول كلمة حق والله على مااقول شهيد
الايام الجايه الشقق راح تفضي والايجارات بنزول واغلب الادوار العلويه فاضيه الاونه الاخيره ولحد يستعجل راح تلقئ ارض تناسبك وتبني
لا تتهورون وتاخذون البيوت الملمعه بالاكسسوارات والديكورات والكاميرات ترا هذا كله اغراء لك وانا قدمت اللي عندي واتمنى التوفيق للجميع
››   ابوحمد808
›› 30
››   قبل 4 شهر و أسبوع
طرح طيب وردود موفقه وجزاكم الله خير الجزاء
وسبق اني سمعت من احد العقاريين ان الاراضي وزعت ! بس كلامه غير موثوق به ، والشركه بتعمل على خط الكويت وليس جنوب التاهيل ومع العلم ان وزارة الاسكان بتوزع الاراضي من دون قرض يعني الارض لك وانت تبنيها من نفسك هذا كلام قريب لي فالصندوق العقاري ، ولكن مثل مافيه صعود فيه نزول والله يرزقكم جميعاً
››   محمد 9212
›› 31
››   قبل 4 شهر و أسبوع
نتمنى ذلك الأراضي أسعارها خيالية مخطط التاهيل والقصير كانت الارض ب٦٠٠٠ ريال فقط والان ب٢٥٠ الف دبل سعرها ٥٠ مره
››   ابوحمد808
›› 32
››   قبل 4 شهر و أسبوع
بتنزل بقدرة قادر
››   هـــدؤؤؤ
›› 33
››   قبل 4 شهر و أسبوع
بختصرها لكم :
- إشتر عقار ... و أنتظر
- ولا تنتظر ... لتشتري عقار
›› 34
››   قبل 4 شهر و أسبوع
المشكله ان حقين الحفر يقلدون الدمام والرياض يعمي الحفر وش فيه يومكم طيرتوا الاسعار لا وظايف ولا شي الاراضي والبيوت قربت تصك المليون
يخوفي بعد سنه تشري بمليون ومليونين
››   عضو2357
›› 35
››   قبل 4 شهر و أسبوع
اخوي ابرحمد
انا متأكد وكلامي موثوق ان المخطط اللي جنوب التأهيل حول ٣٠٠٠ قطعه راح يتوزع لوزارة الاسكان والمناقصة رست على سبك والطريس للمتهيد والسفلته وكانو بيصروفون المخطط كامل للمنح الملكيه واخذته وزارة الاسكان والخيار للي يبغى طريق الكويت او جنوب التأهيل ومع العلم ان المنح الملكيه مقابل المرور الحالي جزء منه توزيع وبين الوادي والتأهيل جزء وشمال العدل جزء و ٥٠٠ ارض جنوب من التأهيل بجانب مخطط الاسكان للمنح الملكيه ونصيحه محب وأخ انتظرو لبعد العيد ان شاءالله راح ترجع اسعار الدفان والرمل اكرمكم الله وتنزل اقيام الاراضي
وخلو بيوت المستثرمين تقعد بحلوقهم زور والله يوفقكم الجميع
››   moqbel06
›› 36
››   قبل 4 شهر و أسبوع
كلام الاخ 57 صحيح وجزاه الله خير ع التوضيح
››   jntl
›› 37
››   قبل 4 شهر
اخواني مخطط دله مساحة كبيرة واسعاره مناسبة رقم المخطط 85/ح لا تاخذ مساحة 1150 لانك ماتعرف لها وكذالك مخطط الشفاء 73/ح حول السجن العام وانصح بالوادي لان الموقع ممتاز ومساحة كبيرة واسعارة يمديك تخطف ارض.
فيه مخططات الناس ماترغبها لكن بوسط الحفر مثل حي فليج هذا حول حراج الجمعة وخلف بيبسي وعندك مخطط فليج الثاني غرب معارض السيارات وكذالك مخطط القضاه خلف الافق ومساحاته كبيرة جدا
تحياااتي
››   قبل 4 شهر
من قال العقار مرتفع غير صحيح روية ٢٠٣٠ تملك المواطن منزل يعني كل ٥ سنوات يتم تجهيز مخطط وتوزيعه عن طريق الاسكان الان تقدر تدخل حسابك فالاسكان وتحجز ارض على طريق الكويت نصيحه لاخي المواطن لاتستعجل فالشراء واكثر من يقول العقار مرتفع تجد انه تاجر عقار ويوهمك ان الناس تشري بالعقار وتبي دليل ادخل على اسمه وشف اخر ردوده وتعرف ...
›› 39
››   قبل 4 شهر
انا مثل رد اخوي الي سبقني لا تستعجلون
بالشراء لكن اذا لقيت ارض معجبتك وسعرها طيب
لاتطوفها اشترها خصوصا اذا حول والديك او اخوانك
›› 40
››   قبل 3 شهر و 4 أسبوع
تنبيه من الشريطيه. وتجار التراب كثرت اعلاناتهم هايام. عن ذم وزاره الإسكان. وتقليل من قدراتهم. يجيك شريطي يقول انا تورطت مع وزاره الإسكان عطوني أرض وماعطوني قرض واذا مابنيتها خلال سنتين تسحب منك. كذابين انا استفسرت من وزاره الإسكان كل الكلام هذا كذب. الأرض تبقى لك لين تعمرها لو 20 سنه. يعني الحذر من الإعلانات الخادعه. يعني العقار خلال الأيام القادمة إلى أسفل السافلين
›› 41
››   قبل 3 شهر و 4 أسبوع
انا معك ولاحظت بعد كتابه اعلانات تبشر
ان اراضي شبك الحرس تسلمتها وزاره الاسكان ومن الكلام ذا وصراحه موضوع جميل وبذن الله الجميع يمتلك مسكنه الخاص لكن هل بسقوط اسعار الاراضي يرتفع سعر معدات البناء واليد العامله او لا
›› 42
››   قبل 3 شهر و 4 أسبوع
طبعا الاراضي ممكن تنزل اسعارها لكن ماتوصل للحضيض كا وجهه نظر وتراني ماني شريطي اراضي لكن احب اشارككم يعني اصحاب الاراضي ممكن يحولون الاراضي للبيوت دور ارضي ويصرفها او يبيعها بمكسب اقل شي 10 الاف عن راس المال
›› 43
››   قبل 3 شهر و 4 أسبوع
اتمنى محد من الاخوان يتهجم علي من ردودي انا حبيت بس اوضح لكم وجه نظر بمعنى انا شغلي بالحلال الغنم والمعزا
اذا ارتفع سعر الحلال يكون من نزول سعر العلف
واذا نزل سعر الحلال يكون من ارتفاع سعر العلف
سؤالي لكم
هل اذا ارتفعت الاراضي هل يرخص سعر البناء
واذا رخصت الاراضي هل يرتفع سعر البناء
››   قبل 3 شهر و 4 أسبوع
ابو تركي اسالتك بجاوب عليها
البناء ماله علاقه وله سعره يعني الطلب اذا كثر فالبناء يرتفع واذا الطلب اقل رخص يعني مثلا انا صاحب موسسه وعندي يد عامله وثلاث اشخاص يبون مني اشتغل لهم ارفع سعري طيب واذا مالقيت احد برخص بسعري رواتب العمال وايجار محل يجبرني على ذلك.
›› 45
››   قبل 3 شهر و 4 أسبوع
الف شكرا لك اخوي على الرد
››   قبل 3 شهر و 4 أسبوع
اما نزول العقار بينزل فوق ماتتصور اكون صريح اشتري ارض ١٥٠ الف والحكومه موفرتها لي سلامات بعدين بفترض اني سكنت بحي فخم يعني انا الحين فخم وتاجر ذا تفكير الاوليين هههههه ارض من الحكومه وقرض منهم واوفر اكثر من ٢٠٠ الف او ١٥٠ الف افضل لي واكثر الشباب كذا تفكيرهم ... قارن الاسعار فالمستقبل على التفكير ذا
››   قبل 3 شهر و 4 أسبوع
التاهيل الشامل البدايه اراضي ملك شريطيه بناء مساجد بعدها رفع الاسعار يعني الحين اللي شرو بتاهيل بسعر فوق ٢٠٠ الف هل عندك خدمات مستوصف شرطه دفاع مدني مدرسه مطعم غير البخاري هههه
هل تستاهل السعر هل انت راضي على سكنك ...؟
›› 48
››   قبل 3 شهر و 4 أسبوع
لا انا الحمد لله شريت بالقيصومه وخلصت مساحة 400 كافيه وزود ان شاء الله وقريبه للاهل
ماني مجمع اراضي بس حبيت اشوف اراء الاخوان وابدي رائيي الشخصي معهم لا اكثر
›› 49
››   قبل 3 شهر و 4 أسبوع
واعجبني الخدمات حولها متوفره وامامها مدرسه ابتدائيه والدفاع والشرطه وبرق والمياه قريبه عنها بعد 6 اراضي وقريبه لشارع 30 وهي شارعها 20
››   الماجد65
›› 50
››   قبل 3 شهر و 2 أسبوع
ابو تركي من ردودك حسستني انك ساكن لحالك وتبي الناس تجي عندك وترغبهم
مدحك كثير
عموما الله يوفقك
›› 51
››   قبل 3 شهر و 2 أسبوع
لا بالله ماني لحالي لكن ابلغ العالم الي مستغلتها تجار التراب ان به اراضي رخيصه ومواقعها ممتازه
شف اغلب التجار توجهم وين؟ وانا لاني شريطي اراضي ولا شي
››   قبل 2 أسبوع و 4 يوم
حياكم الله جميعا ولاكن يا اخوان والله الكلام هذا نسمعه من ١٠ سنين الارضي بترخص والدنيا بتحلو
والمشكله انها من زود في زود
››   ابوالدهيسي   جديد
›› 53
››   قبل 2 أسبوع
الحين ابي افهم من كلامكم راح ترتفع أسعار العقار لأن ودي اشتري بيت دور أرضي واحد بالمحمديه لقيت اللي امس 300الف صار اليوم٦٨٠ الف وغالبية البيوت كلها تجاريه
›› 54
››   قبل أسبوع و 6 يوم
٦٨٠
تبني فيها فله
وتصميم على ذوقك
هدوء اللعب شوي
والخير قادم
ماحد بيموت عطش او من غير مسكن
نصيحه لاتتوهقون بالقروض العقاريه
الناس يبون فوايد من ورى ظهوركم يستفيد
وانت الضحيه عشرين سنه قدام
››   ابوالدهيسي   جديد
›› 55
››   قبل أسبوع و 6 يوم
مافي دلاله واضحه أن الأسعار راح تنزل كلها في ارتفاع ايه نعم اهتز العقار السنتين هذي لكن ارتفع بشكل يخوف والانتظار ََََماهو سهل ويعني برأيكم الاجارت تقص من راتبك واشوف الناس قامت تشري
ويقولون ان ماشريت اليوم بكره تلقاه اغلي
شورو على
››   قبل أسبوع و 6 يوم
صل ع النبي
الحين اللي يقول هد القادم احسن كله كلام فاضي انا اقول الي ما يشتري الان ما عاد هو بشاري
لان اللي تقعدو قبل سنتين وثلاث تقعد والبيت اجار ما سكن
رواتبنا كلها قروض وكل ما انتها قرض جددنا قرض
›› 57
››   قبل أسبوع و 6 يوم
عليه الصلاه والسلام اذا انت خير كثير الله يرزقك
انا نصيحتي
واضحه
واللي يسوقون للعقارات واضحين
وانت كمان ماحد ماسكك او شي الله يرزقك
روح شوف لك اي عقار وتوكل. لاتتردد نصيحه لك.
››   ابوالدهيسي   جديد
›› 58
››   قبل أسبوع و 6 يوم
المشكله البيوت غااااااليه هالفتره يعني مافي امل اشتري بيت شاب راسي ومامن بيت عوذه البيوت طارت بالسماء

يجب عليك تسجيل الدخول حتى تتمكن من إضافة رد.