الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» كورفيت C4 C5 C6 معلومات عن الاسعار

قبل 3 يوم و 17 ساعه
#50621208
السلام عليكم ورحمة الله وبركاته ،،

حبيت اليوم افيدكم على اسعار الكورفيت
في السعوديه فقط من شان الي حاب يمتلك كورفيت من اي موديل واي فئه طبعاً كل موديل وكل فئه لها سعر ..

راح نبدأ في الكورفيت C4

نزل عام 84 الى 96.. طبعاً عام83 انصنع كم حبه معدوده لفئة C4 كانت تجربه،،

الفئه العاديه المتعارف فيها
طبعاً الجير العادي سعره اعلى من القير الأوتو

من 85 الى 89 الجير الاوتو هذي فئة ال C4 (( ماراح نتكلم عن السكراب عن النظيف))
سعره يبدأ من (15 الف الى 25 الف)
الجير العادي يبدأ من ( 20 الى 30 ) طبعاً على حسب النظافه ويعتبر كلاسيك.

ال 90 و 91 فئة ال C4 الاوتو

من ( 10 الاف الى 20 الف)
الجير العادي من (15 الى 25 الف اذا كان بحالة ممتازه )

موديل 92 و 93 فئة ال C4 الاوتو
يبدأ من (10 الى 20 الف اذا وكاله) وطبعاً مش مرغوب بكثره لانه بدأت مكينة ال تي ون وفيها مشاكل كثير والجير العادي من (15 الف الى 25 الف) ونادر هذا يجي جير عادي.

وموديل 94 الى 96 فئة C4 جير اوتو. تعتبر من افضل الموديلات وداخليه احلى واقوى من القديم
اسعاره تبدأ من ( 15 الى 35 الف)
والجير العادي موديل 94 و 95
تبدأ من (20 الف الى 40 الف)
وموديل 96 جير عادي فئه نادره جدا ومكينه التي فور النظيف سعره مايقل عن 40 الف
طبعاً هذي المكينه جات فقط على 96 جير العادي وتعتبر نادره جداً
طبعاً في اكثر من فئه الى ال C4
انديانا بوليس وجراند سبورت وZR1 وغيرها من كالويه..الخ....
مابي اطول عليكم الي يهمه امر ال C4 ويبي تفاصيل اكثر يتفضل خاص او عام وافيده اكثر

نجي الى فئة ال C5 طبعاً اول مانزل كان منبوذ ومش مرغوب والآن صار نادر ومرغوب


وكانت شركة جنرال موترز بتوقف عن تصنيع الكورفيت عام 95 لانه بدأت خسارتها بسبب كثرة فئة C4 وقلة المبيعات الا وتدخلت شركات وتم تغير الشكل الى فئة C5
وتم نجاح شركة جينرال

نزل ال C5 سنة 97 الى 2004

نبدأ في الاسعار

الفئه العاديه موديل 97 و 98 و 99
هذي اول موديلاته وفيها مشاكل اكثر شيء في طرمبة البنزين والرديتر والجير الاوتو والسكان يقفل وغيرها ...
تبدأ اسعار هذي الموديل الجير اوتو من
( 20 الف الى 25 الف) على حسب النظافه
الجير العادي من (25 الف الى 30 الف) على حسب النظافه

موديل 2000 الى 2002 طبعاً صار تجاوز الى بعض اغلاط المصنعيه من ظفيره ومن سكان وغيرها. مابي اطول عليكم اسعاره تبدأ الاوتو
من (25 الف الى 40 الف ) على حسب النظافه
الجير العادي ( من 30 الى 45 الف) على حسب النظافه طبعاً

وموديل 2003 و 2004
طبعاً 2003 جا اصدار 50 عام وهذي الموديلات نادره
الاسعار تبدأ من ( 35 الى 50الف)
الجير العادي من ( 35 الى 55 الف )

وال Zo6 فئة ال C5 نزل من موديل 2001 الى 2004 فقط. وبعض موديل 99 نزل قصة نفس Zo6 ولاكن C5 ونزل فقط جير عادي على شكل Zo6

عموما اسعاره من 2001 الى 2004 ال Zo6

تبدأ من ( 50 الف الى 65 الف )
وفيه بعض الاصدارات للتفاصيل اكثر والمهتم الخاص موجود او العام مابي اطول عليكم

ونبدأ في C6 طبعاً بدأ نجاح الكورفيت وانتشاره من بعد هذي القصه وهذي القصه من اقوى واثبت القصاات بدأ من عام 2005 الى 2013
نزلت اكثر من فئه
C6,GS,Zo6,ZR1
نبدأ في اسعار C6 انزل فئه

راح نتكلم عن موديل 2005 الجير الاوتو طبعاً اول موديل فيه مشاكل وعيوب مصنعيه
نزل بمحرك LS2 جير اوتو 5 نمر
راح نتكلم عن بعض المشاكل

الجير حساس. مشاكل كهرب. مشاكل في عوامة البنزين. مشاكل في الدفرنش وغيرها.

سعره يبدأ من (25 الف الى 35 الف)

الجير العادي يبدأ من (35 الف الى 40 الف)

طيب نروح الى موديل 2006 و 2007 جير الاوتو
نزل بمحرك LS2 جير 6 نمر وتم تجاوز اغلب العيوب المصنعيه تبدأ اسعارهم من
( 40 الف الى 50 الف)
جير العادي يبدأ من (50 الف الى 55 الف)

2008 الى 2011 جير الاوتو
نزل بمحرك LS3وجير 6 نمر
تبدأ اسعاره من ( 55 الف الى 70 الف) على حسب النظافه والممشى.
جير العادي طبعاً تم تطوير الجير الى TR6060 ويعتبر من افضل الجيور من ناحية عزم وتحمل. تبدأ الاسعار من
(60 الف الى 75 الف)

2012 و 2013 جير الاوتو محرك LS3
طبعاً من افضل الموديلات وداخليه اجمل وكراسي افخم
وموديل 2013 اصدار 60 عام
تبدأ اسعاره من
(80 الف الى 90 الف)
الجير العادي من (85 الى 95 الف)

فئة جراند سبورت نزل عام 2010 الى 2013
طبعاً بودي اعرض مثل بدي الZo6 ومحرك LS3
موديل 2010 و 2011
اسعار الاوتو من (80 الف الى 95 الف)
الجير العادي من (80 الف الى 100الف)

2012 و2013
يبدأ من (90 الف الى 120) سواء جير عادي او اوتو

فئة Zo6 وتعتبر هذي الفئه من انجح واقوى الفئات والمنافسه الى هذا العام
نزلت فقط جير عادي بمحرك LS7. 7.0
وشاصي المنيوم اخف وزن
طبعاً فقط فئة Zo6 نزلت ب شاصي المنيوم
نبدأ في الاسعار
2006 و 2007
تبدأ من (70 الف الى 95 الف)

و2008
من(80الف الى 120 الف)

و2009 الى 2011
من (120 الى 150الف) ويعتبر ال Zo6 من 2009وفوق نادر

و2012 و2013
يبدأ من (150الف الى 180 الف)

فئة ال ZR1
طبعاً نزل من 2009 الى 2013 بمحرك LS9
السعه 6.2 سوبر
جير عادي فقط
سعر 2009 من (150 الى 180)
2010 و 2011 من (170 الى 200الف)
2012 و 2013
من (200 الى 240الف)

كورفيت C4 C5 C6 معلومات عن الاسعار
وسيلة الإتصال :
التوااااصل خااااااص

12
  شيفروليه

  كورفيت

  كورفيت 2013



إحذر من التعامل غير المباشر.
إستخدم القائمة السوداء قبل أي عملية تحويل
››   قبل 3 يوم و 17 ساعه
طبعاً ياشباب اتكلم عن لستوك والتراقا المعدل والكشف له اسعار ثانيه للتفاصيل اكثر التواصل عام او خاص وشكرا للجميع
››   abdulelah 2351
›› 2
››   قبل 3 يوم و 17 ساعه
عندك كورفيت قير عادي ..؟!
››   قبل 3 يوم و 17 ساعه
وفئة C7 راح انزل لكم الاسعار قريباً

وهذي الاسعار في وقتنا الحالي كل ماتنزل فئه اجدد تنزل اسعار الفئات القديمه شيء بسيط
››   قبل 3 يوم و 17 ساعه
الاعلان يابعد راسي لتفاصيل الاسعار في السعوديه وليس لبيع الكورفيت وشكرا لك
››   salmusal
›› 5
››   قبل 3 يوم و 15 ساعه
شكلك مو صاحي انت
››   max98
›› 6
››   قبل 3 يوم و 13 ساعه
يعطيك العافية على هل معلومات المفيده
››   قبل 3 يوم و 13 ساعه
الله يعافيك يابعدي
››   bodz_sa
›› 8
››   قبل 3 يوم و 12 ساعه
طيب حبيبي و المطلوب من المعروض اللي مسويه فوق ..
››   mld-130
›› 9
››   قبل 3 يوم و 12 ساعه
ههههههه(يٍُُِـْ_مٌَُـهِٰــه پُُِْـطٍُِـنُىييـي)هههههههههه عنده فائض معلومات منضايق منه وحب يكتبه ويرتاح منه من دون لافايده ولا عايده للمتابعين
››   tariq waleed
›› 10
››   قبل 3 يوم و 11 ساعه
اسعارك بكبرها غلط وعلى اي اساس تقيم السوق السعودي بلأسعار هاذي راجع معلوماتك وشوف الاسعار الي برا مرا وحده
››   cobra999sa
›› 11
››   قبل 3 يوم و 10 ساعه
معلومات الأسعار ضاربه يمين بشمال ولا هي جمب الصح ابداا..

اجل C4 lt4 موديل ١٩٩٥ او ١٩٩٤ نظيف ب ٣٠ الف..

ولا C5 موديل ٢٠٠٤ نظيف ب ٥٠ الف...

أسعارها النظيف قاعده تطلع سنه بعد سنه.. حدث معلوماتك.
››   قبل 3 يوم و 7 ساعه
اصفار ب 290من الجميح
››   althabty2016
›› 13
››   قبل 3 يوم و 2 ساعه
هذي عينه من اللي يمتلكون سيارة الكورفت يبغون يرفعون سعرها عشان تشتري الناس منهم ويصلخونهم بالسعر وانا اشوفهم قروبات في حي النور و حي الشاطي و العقربية وفي الخبر
››   قبل 2 يوم و 23 ساعه
الله يرزق الجميع ولاكن السيارات الي تنعرض بسعر فوق قليل الي تنباع والسبب الاسعار
ومش كل شخص حط سعر يبيع بنفس السعر
››   cobra999sa
›› 15
››   قبل 2 يوم و 13 ساعه
كلن يحط سلعته بسعرها كأنها تستاهل ف تستاهل وكانها سيئه فيرميها رمي بالي يجيه...

محد يجبر احد يشتري بسعر متى تنفهم هالنقطه.

والي مو طايل يشتري نظيف وعليه القيمه ويبغ رخيص فيه رخيص وفيه مصدوم وفيه مخبط وفيه مفكك ومبدل وفيه متشققه داخليتها وفيه وفيه بس اقعد صين لين تعافها اذا هذي رغبتك.
››   no82016
›› 16
››   قبل يوم و 20 ساعه
سيارات الكورفيت بشكل عام سواء هنا او في أمريكا بلد المصنعه النضيف والممشى له سعره عندك كورفيت ٩٦ الغير العادي التي فور على سبيل المثال النضيف يفوق ١٢٠ الف
فلا أحد يحدد الأسعار بكيفه
››   cobra999sa
›› 17
››   قبل يوم و 3 ساعه
النظيف ومرتب له سعره...

وكل حجره ولها أجره...

يجب عليك تسجيل الدخول حتى تتمكن من إضافة رد.