» السلام عليكم ياخوااان

قبل 2 شهر
#64011438
يخوااان أنا شاب عمري 21طبعا الوالد متوفي من 5سنين لكن يخوان أنا من القصيم وعندي مقابلة في الأمن في الرياض لكن أنا معي رخصة خصوصي خاصة لكن السواقة في الرياض كيف هي يعمني يخوااان كيف السواقة في الرياض أنا نظامي في كل شئ من ناحية الرخصة والاستمارة والبطاقة الوطنية لكن يخوان كيف السواقة في الرياض يعني عندي مقابلة في مدينة الأمن في الرياض لكن أنا من القصيم الرس هل السواقة في الرياض دي الرس الله يعافيكم ويخليكم ويحفظنا ويحفظكم يخوان يعني عندي مقابلة في مدينة تدريب الأمن في الرياض لكن يخوان هي اللي بجانب كلية الملك فهد الأمنية كيف السواقة في الرياض زي القصيم أنا عمري 21ماقد والله رحت لرياض اسوق ابد الا المقابلة في الأمن لكن داخل على الله وعليكم كيف السواقة في الرياض
هذا الإعلان قديم وتم إزالة رقم الجوال
بالامكان مراسلة المعلن عبر الرسائل الخاصة.
  افالون

  افالون 2018

  تويوتا



إحذر من التعامل غير المباشر.
إستخدم القائمة السوداء قبل أي عملية تحويل
››   kiiy_kki_e
›› 1
››   قبل 2 شهر
كيف السواقة في الرياض
›› 2
››   قبل 2 شهر
كيف مافهمت
الرخصة عادي تروح فيها ب السعوديه كلها
››   قبل 2 شهر
السواقه عادي مثل القصيم
››   قبل 2 شهر
ياخوي الله يسعدك مانت رايح امريكي تمشي عكس

كل شوراع سوا والرخصه مثل مقال رجال تقدر تروح فيه حتى دول الخليج الامور تمام
››   قبل 2 شهر
مثل اي مدينه وقريه .الله يسرلك امورك ..وكل من يقرا.واذا خايف ومتردد .اول ماتخش الرياض وقف موترك واركب لموزين .واذا خلصت ارجع لموترك وع الديره ..
›› 6
››   قبل 2 شهر
اكسر حاجز الخوف عندك وتوكل ع الله الشورع والناس نفس الي عندك بلقصيم يمكن سواقتك احسن من بعظهم تخاف تظيع وماتدل وقف موترك ورح لموزين هو يعرف اي مكان تبي
››   al shamari
›› 7
››   قبل 2 شهر
موجود قوقل ماب لا تخاف م تضيع
››   سيوليز
›› 8
››   قبل 2 شهر
ياخوي إذا بتخاف خاف من الله غيره حاول ماتخاف وتكون واثق من نفسك
وإذا انت تخاف من المشاكل يعني أنك تصدم ومدري ايش توسوس كلها من الخوف ثق بنفسك كن شجاعاً السواقة مهاره تكتسبها بتطبيق القوانين عدم السرعه عدم مخالفة الطريق عدم قطع الإشاره
المهم لاتكون خواف أقدم على أي شي والله ييسر امورك :rose:
››   alanmy1993
›› 9
››   قبل شهر و 3 أسبوع
ياخوي لاتوسوس بنفسك كذا وأكسر القلق حاجز الخوف الوهمي اللي عندك انت في الرياض او القصيم كلها ديارك والسعودية ديرتك ماحد مقصر معاك بشي أن شاء الله :yes: والسواقة وحدة في كل مدن المملكة يمكن انت خايف عشان ماعندك رخصة لكن لاتخاف امشي حالك حال نفسك وعلى النظام ماحد راح يتعرض لك بشي حتى لو مامعك رخصة المرور ماهو مكلمك لو ماشي حالك حال نفسك ونظامي... وحتى لو وقفتك دورية وش صار يعني بالدنيا... ماصار شي وقول له ماعندي رخصة وجاي ادور عن مستقبلي وأمشي حالي راح يقدر وضعك ويتفهم ويخدمك كمان إذا ناقصك شي وماراح يخالفك أو ياخذك القسم عشان رخصة مامعاك!!!
››   alanmy1993
›› 10
››   قبل شهر و 3 أسبوع
:joyful: عفوا ما انتبهت لموضوع انك نظامي ماشاءالله... اجل خلاص ياخوي لاتوسوس وترا الرياض مثل القصيم ومثل كل مدن المملكة بالسواقة إذا انتبهت وصرت تمشي عالنظام وحالك حال نفسك مو تفهي وتخش على العالم وتقول سواقتهم مدري شلون!!! :sweat_smile:
››   al shamari
›› 11
››   قبل شهر و 3 أسبوع
ايش هذي البزرنه خلك رجل يولد انا عمري21 والف المملكة بسيارة ولا بدون وبدون رخصة بعد واسوق خارج المملكة كمان واروح البحرين والمغرب واسبانيا ولوحدي بعد
››   راشد 305
›› 12
››   قبل شهر و 2 أسبوع
سلام عليكم مساء الخير
البارح راجع من بريده الطريق حق المدينه السريع بين بريده والبكيريه .عند المحطات وقفت اعبي بنزين اوقفني صاحب سياره لونكون معه مره يتكم كثير ونه مقطوع ويحتاج فلوس
والمحطه الي فيها مطاعم البيك ومكدو
الا ثاني ع فورد 2003 . متوسط العمر معه مره
ونفس كلام الأول مقطوع ويحتاح فلوس. يقولو الشباب ضاهره منتشره ع المحاط السريع ..
››   سيوليز
›› 13
››   قبل شهر و 2 أسبوع
باختصار إذا معك صدقه أبدا بجارك الأول إلى أن تصل إلى آخر جارفيهم ورأيت أن لأحد منهم محتاج تصدق على الأيتام اما اللي يجون يطلبون في الشوارع ماتظمنهم
›› 14
››   قبل 4 يوم و 13 ساعه
ياقلبي قلبك .. لا ونا اخوك هذي وظيفتك ورزقك لازم تجي لاتخلي الخوف يعيقك عن رزقك بالعكس ترا الرياض تغيرت مهي زيها اول الحين المرور منضمين السير وشوارع واسعه ونا ساكن قريب لمكان مقابلتك صدقني مافي زحمه ولا شي واصلا الحين المدارس موقفينها يعني مافي زحمه ابد.. وذا انك ماتبي تسوق برياض عادي خذلك شقه ونت بالشقه تواصل مع اوبر يوصلك لمقابلتك ويرجعك لشقتك .. اهم شي لاتخاف وتقول مني جاي
››   anaani
›› 15
››   قبل 3 يوم و 19 ساعه
اذا وصلت الرياض كلمني اجيك انا واخذك للمكان اللي تبي ولا يهمك
››   anaani
›› 16
››   قبل 3 يوم و 19 ساعه
رقمي بالخاص عندك

يجب عليك تسجيل الدخول حتى تتمكن من إضافة رد.