السيارة: لكزس - LS الموديل: 2008 حالة السيارة: مستعملة القير: قير اوتماتيك نوع الوقود: بنزين الممشى: 275

اعرض عليكم هنا سيارتي لكزس 460 موديل 2008 شورت ستاندارد وارد ألمانيا ثمانية سلندر الممشى 275 الف كيلومتر اللون ابيض خارجي وبيج داخلي بدون رادار بدون ثلاجة وبدون فتحة سقف المكينة والقير والدفرنش على الفحص ، تغيير الزيوت باستمرار كل 10 الاف كيلومتر، مركب حماية شفافة على الوجه والكبوت والرفارف الامامية كفرات جديدة مركبة قبل ثلاث شهور والفحص الدوري مجدد والاستمارة مجددة

معلومات ابراء الذمة:
* الصدام الامامي مرشوش رشة تجميلية بسبب الترميل من العج ومركب عليه حماية شفافة من كار كير

* المساعدات الاصلية هيدروليك ولكنها محولة الى مساعدات عادية (المساعدات الهيدروليك موجودة لكن اثنين منها معطوب ويقدر ياخذها المشتري)

* المساعدات الأمامية تجارية وفيه نزول ملحوظ في ارتفاع السيارة الأمامي ولكن لايضر بتوازن السيارة

* العكس الخلفي اليسار فيه طقة (يبغا له تغيير)

* الرديتر تجاري ويبغا له تغيير لأن فيه اثار تسرب بالأسفل

* القير فيه طقة بين التعشيقات وتروح بالبرمجة

* القزوز فيه تهريب من جهة المكينة على اليمين ويبغا لها تغيير مانيفولد كامل يمين

* عمود الكردان فيه انحناء خفيف ماتلاحظها الا اذا تعدت السيارة سرعة 140 تبدأ تحس رجة خفيفة ما تؤثر على التوازن

* كراسي المكينة وكرسي القير يحتاج له تغيير

* الهوبات الاربعة تجارية فيها نصف عمر وخرطتين

* الاذرعة الامامية كاملة تجارية تايوانية في نصف عمرها

* الكفرات الخلفية فيها سحكية دائمة أسرع من الأمامية ويبغا له وزن اذرعة خلفية بالوكالة ( الورش مانفعت )

* سنادة الظهر لكرسي السائق مكسورة ويبغا لها تغيير بداخل ظهر الكرسي

* الطبلون كامل وديكور الأبواب يطلع منها مادة مثل الغراء وهذي مشكلة معروفة في موديلات 2007 الى موديل 2012 ولا يصلح الا بتغيير الطبلون او تنجيد كامل لكن يروح بالماء والصابون ويظل فترة نظيف (موضحة بالصور)

* فيه طقات خفيفة متفرقة بالبدي لاتشوه المنظر العام

* الجنوط الاساسية هي حجم 18 لكن مغيرها الى جنوط 19 اربعة أصلية (يبغا لها اعادة صبغ وبوليش) وواحد صيني تجاري (سبير)

* الراديو الاصلي سي دي وغيرته الى دي في دي مستخدم أمريكي وبعد التغيير تعطلت فتحة Aux، الراديو القديم غير موجود

السيارة بشكل عام نظيفة المنظر بسبب الاهتمام بغسيلها داخليا وخارجيا باستمرار لذلك للي يبي يستخدم من البيت للدوام تصلح له أما اذا ناوي تمسك فيها خطوط طويلة ومكدة فالسيارة يبيلها من 12 الف الى 15 الف تغيير اذرعة ووزن وبرمجة قير وتغيير قزوز وتغيير عكس خلفي وتغيير رديتر وترجع لك تمام

الحد : 55 الف
ملاحظة:
1- اللوحة مباعة
2- البيع كاش لارغبة لي في البدل


تحديث للاعلان: ياجماعة الخير انا كتبت كل مااعرف عن السيارة من أعطال او عيوب ابراء للذمة ووضعت الحد 55 الف بحالتها الآن ، لا أحد يحرج نفسه ويحاول تنزيل الحد بذكر كل اللي ذكرته سابقا من اصلاحات ربما تحتاجها وربما ماتحتاجها، الحد واضح وثابت واذا انك تشوف اني مبالغ في قيمتها فهذه بسبب نظرتي القاصرة وانا مقتنع بها

والله يوفقنا ويوفقكم بما فيه خير لنا جميعا

بالتوفيق