2016 قير اوتماتيك بنزين الممشى: 1 ألف كيلو السلام عليكم عندي موضوع عن نتعة قير السوناتا واظن المشكله فقط لموديل 2016 و2015 الدفعه الثانيه وصف المشكلة عند تخفيض السرعه بين سرعة 60 و40 تجي نتعه ويسمونها رفسه قير السوناتا واتوقع الغالبيه بذا الموديل عندهم ذا المشكله تجي تدور حل يطلع لك بمخ القير الشريحه قيمتها 3500 جديده او مستعمله ب1500 شي مبالغ فيه بعد البحث حصلت اعلانات في جده اللي هي تحديث ملف القير اون لاين لكن المشكله اني تعبت احصل في الرياض كلهم يقولون برمجه تجيهم ماعندهم الا رست فقط وتبدا تمرن القير فتره تخف عليك النتعه لكن ترجع وبعد جهد جهيد حصلت مبرمج في صناعيه الشمال جيت وحدث القير على مسؤليتي والحمدلله انحلت المشكله تماما لا احد يقول لك حراره ومبرد ولا مسح اخطا الحل ياشباب التحديث اون لاين تحصل تحديث لملف القير وملف المكينه انا حدثت القير فقط المكينه ماسويت شي بما انه ماعندي مشاكل حبيت اطرح الموضوع للفائده اي مساعده او استفسار راسلني بالخاص او العام