هتشباك 2016
قير اوتماتيك
بنزين
الممشى: 148 ألف كيلو
السلام عليكم ورحمة الله وبركاته،
كيا ريو للبيع.
الممشى: 148 ألف قابل للزيادة بسبب الاستخدام اليومي.
الموديل: 2016.
أنا المالك والمستخدم الأول والوحيد.
فحص دوري واستمارة منتهي.
المواصفات:
- مكينة 4 سلندر 1400 سي سي.
- مثبت سرعة (ركبته ولا الفل ما يجي معها).
- تحكم طارة.
- المسجيل بلوتوث (مشغل سي دي ومنفذ يو إس بي).
- قزاز كهرب.
- فتحة سقف.
- قير أتوماتيك 4 تروس.
- تكاية.
- مقاعد قماش سوداء.
- استهلاك كويس (الفل 80 يمشي 450 - 500 كيلو داخل الرياض).
البودي:
- شاصي سليم.
- إيرباقات طالعة بسبب حادث بسيط من تحت السيارة.
- تغير الصدام مع رش كامل له.
- رش خفيف للرفرف الأيمن.
- الكبوت فيه طعجة خفيفة وخدوش.
- التندة والعظمة اليمنى واليسرى (إلي تثبت القزاز الأمامي مع التندة بالكبوت) مسمكرة وفيها رش خصوصًا اليسار.
- قزاز النور الأيسر تكسر ولحمت له قزاز بالغرابي.
- أنوار الضباب لا تعمل (اليسار انفك وانقطع).
- ديكور لمبة الضباب الأيسر مكسور (موجود وتركيبه بيكون بسيط).
- يوجد طعجة على جهة فتحة تعبئة البنزين.
- القزاز الأمامي متغير لكن بقزاز وكالة من التشليح.
المكينة والقير:
الحمد لله شغالة تمام ولا يوجد عطل لأن جميع الغيارات أشرف عليها بنفسي وجميعها في وقتها.
- زيت المكينة تغيير زيت 10W-30 كل 5 آلاف كيلو.
- زيت القير الموصى به مع تغيير فلتر القير وتنظيف الكارتير كل 50 ألف والتغيير القادم بعد شهر بإذن الله.
- تصفية المكينة بشكل دوري.
- تغيير البواجي، الفلاتر، وتنظيف الرديتر وغسيله بشكل دوري.
العيوب:
- البودي مذكور بالفعل.
- المكيف يفصل، بارد بشكل ممتاز لكن فجأة يفصل أو يضعف التبريد ولازم ترفع المروحة ل 3-4 ويرجع يبرد (حلها بتغيير الكمبريسر لكن ممشي فيه لأنه ما يفصل طوال الوقت).
- حذفة بسيطة يمين وتروح مع وزن الأذرعة.
- استمارة وفحص منتهي.
- الإيرباقات طالعة بسبب آخر حادث وكان تافه.
الحوادث:
4 على مدار السبع سنوات الماضية.
- الأولى صدمة خلفية وتسببت بطعجة بسيطة بالشنطة وتم شفطها ورجعت زي أول تقريبا، متبقي الخدوش فقط.
- الثاني قدمة أمامية من جهة اليسار (تغير الصدام مع رشه وسمكرة بسيطة للرفرف الأيسر مع تغيير قطع داخلية للصدام نفسه مثل عظمة الصدام وانسحب الذراع الأيسر).
- الثالث كان قلبه على الجنب اليسار والتندة (الجنب الأيمن سليم) وهاذي سبب سمكرة التندة والرفرف والطعجة الموجودة بالكبوت وجهة فتحة البنزين وسبب تغيير القزاز الأمامي. تم تنظيف المكينة والقير بعد الحادث والسيارة لها 4 سنين من الحادث وما ظهرت أي مشكلة بالقير أو المكينة.
- الرابع تسبب بطلوع الإيرباق وكان بسبب ماسورة صرف صحي ضربت بالكمر من تحت والسرعة حوالي 30 وكان حادث تافه جدًا (غيرت الأحزمة فقط وشريت إيرباق سائق وركبته وموجود كمبيوتر الإيرباق لكن ما برمجته لأن لازم أجيب إيرباق الراكب وأبرمجهم مع بعض وما حصلت بالتشليح والوكالة غالي وما يسوى) "لمبة الإيرباق والعة".
السيارة استخدمها بشكل يومي للدوام والمشاوير اليومية والحمد لله ما عليها ملاحظات غير المذكور. جميع عيوبها بالفعل فوق والسيارة ما شاء الله حمار مكدة وخدومة جدًا وحجمها صغير يخارجك بالزحمة والمواقف.
الصور بأضيف أكثر قريب.
سبب البيع: أخذ سيارة عائلية.
البيع لأعلى سوم والله
