بسم الله والصلاه والسلام على رسول الله
كرما تابع الحساب ليصلك كل جديد
افلح من ذكر الله وصلى على النبي
اعرض لكم قعود لباني زبده على حليب امه والربيع
عمره تقريبا خمسه شهور تقريبا
يصلح على الجهتين
1- اللي يبا ذبح مقفل شحم مليان فل
في البر على حليب ومرعى
2- اللي يبا يربي ويقنا ماشاء الله تبارك الله
امه عربيه صفرا كفو لون وجرم وعرض جنب ويوجد لها صور وهي صغيره جذعه موجوده في المراح
وابو القعود بعير منتح معروف الساس عليه (وسم مشهور في البل ) لونه احمر ايضا موجود في المراح
لون القعود اصفر اقرب للحمر الدهم والشعره الدهماء المعكرشه المطلوبه ماشاء الله القعود اجلال وعرض جنب ووسع نحر وسنام
وراعى النظر يشرفنا ويشوف بعينه على الطبيعه احسن من التصوير
اللي يقنا شرط باذن الله مايندم لان ام القعود ماشاء تبارك الله مشهوره بالحليب الغزير الله يبارك فيها
( رقم الجوال يظهر في الخانة المخصصة )
الموقع قريب من كوبرى العرفاء
رجاءا الاتصال للصامل واللي ماله رغبه يدعى لنا بالبركه
