أول شيء.. عشان تعرف احنا بنعمل ايه جوا الكورس .. وانت هتخلص يبقى مستواك عامل ازاي والمنهج الي احنا بنشتغل بيه وكل هذه الأمور ، شوف الفيديو دا هيختصر عليك كتير تاني شيء بخصوص الكورس نفسه، الكورس كله علي بعضه 9 مستويات (ليفلات) 5 مستويات جينرال .. بناخد فيهم الانجلش كله من فوقه لتحته من أوله لاخره كل شيء متعلق بالانجلش من بعيد او قريب بناخده (شوف الفيديو الي فوق هتفهم قصدي) وبعد كدا 4 مستويات محادثة .. بنتكلم فيهم عن كل المواضيع الي تيجي في دماغك (والي متجيش)😁 بالمناسبة لو انت مستواك كويس ممكن تخش محادثة علطول منغير ما تعدي علي الخمس مستويات جينرال أي ليفل في الكورس 6 محاضرات محاضرتين كل اسبوع حد واربع او اتنين وخميس ومحاضرة فاصل بين كل ليفل والتاني يبقي أي ليفل تقريبا أربع اسابيع الكورس مناسب لأي حد من سن 13 سنة لـ60 سنة أيا كانت خلفيته العلمية او الثقافية حتى لو ميعرفش عربي .. الكورس بيبدأ من الحروف(حرفيا) بالنسبة لتحديد المستوى لو أنت متأكد انك عاوز تبدأ من الاول ابدأ من الاول لو حاسس إن مستواك أعلى من ليفل وان شوية .. خش ليفل وان بردو لو حاسس ان مستواك ينفع يبقي محادثة .. فيه تحديد مستوى مجاني تماما