GX 1991 قير عادي بنزين  دبل السلام عليكم يوجد عندي هالحبيب جي اكس 1991 ، فيه ايجابيات و سلبيات والسلبيات اكثر وبذكر لكم ايجابياته و سلبياته وكل عذاريبه بذكرها لكم وما انقص ولا ازود ولاني غاش احد المكينه ماعليها مافي حراره بس تنقص اذا مشيت فوق 100 كم لازم تزود نصف علبه او علبه على حسب ممشاك القير عادي وسليم وعشرة على عشرة الدفرنس الخلفي توي مغير كارونه تشليح وكاله واموره تمام التمام والدفرنس الامامي فيه ونه خفيييفه ماتسمعها الا اذا عشقت الدبل ومركب فيه تحضيره يسار والدبل ممتاز بس فيه طقه خفيفه اذا حشرته بالنفود والطقه ما تطلع الا بالدبل الخفيف الثقيل ما تسمعها ابد واتوقع بسيط وانا والله ما شيكت عليه الجيب سبق و انقلب مع صاحبه الي قبلي وفيه صدمه من الأمام وفيه سمكرات واجد وانا مركب له طقم كفرات صينينه جديده والان شبه جديده ، ومشتري له راديتر ماء جديد الامنيوم ، والمكيف ثلج تبارك الله توي مشتري له كمبروسر اصلي وكاله ومشتري له راديتر مكيف جديد ومعبيه فريون اصلي ، وفيه شراع خلفي او فراش خلفي كما هو موضح بالصورة وفيه دروج للابواب الخلفيه للعزبه و اغراضك، وبيني وبينك الموتر حق بر ، وفيه لمبه ليد كريمي مسطره جانبيه يمين وفيه لمبه ليد داخل الكبوت والنور الامامي مركب له زينون للواطي و ليد للعالي وبالليل يسطع كأنك بالنهار تبارك الله الجيب ماهو مفحوص والاستماره منتهيه اكثر من عشر سنوات تقريباً، الجيب مكروف صدق وفيه عذاريب و فيه مميزات. اقبل الكاش و البدل الزين والنظيف ،، وبحول الله اني اتعاون مع الكل والله يوفق الجميع