قط حصلته بالشارع قريب لبيتي وكان كأنه يستنجد، واضح انه قطو بيت يا منحاش او مفقود لانه متوالف اي احد يقرب له يجيه له ويتمسح فيه، اخذته عندي وحطيته بجناح خارجي للأجر لين يجي أحد ياخذه ويقدر على الاهتمام فيه، ودي اربيه لكن عندي قطاوة غيره وصعب يتوالفون يبي لهم وقت وغير اني ممكن اقصر في رعايته. * جنسه ذكر فصيلته سيامي عيونه زرقاء فاتحة زي البحر، جميل ما شاء الله وشكله مميز الحقيقة. عمره ممكن سنة حولها، ما اعلم بالضبط * صحته: وديته بيطري قال ما فيه شي خطير لكنه كان مزكم بقوة واعطاه ابر مضاد، وبرضو فيه التهاب شديد بالاذن لدرجة اثر على وضعية راسه صاير مايل شوي لما يمشي واعطاني قطرة لها طبعًا يحتاج ترويش لكن لأنه برد ومزكم خفت اروشه ويمرض زيادة. ملاحظة: احيان يطلع اصوات عالية ما ادري هو طلب تزاوج او انه ينادي يبي احد معه لانه جالس لحاله بجناح خارجي🙁 * شخصيته: لطيف، هادي وحنون مرة، يحب احد حوله ويستانس يجلس يخرخر طول الوقت، ويلاحق الشخص وهو يمشي واضح انه من النوع الي يتعلق بالناس. * القطو ينرحم ويحتاج اهتمام، اتمنى الي عنده مقدرة ياخذه ويهتم فيه ويخاف الله فيه وياخذها من باب الأجر ولعل الله يفتحها عليه بسبب هالقطو الضعيف. او صاحبه يتواصل معي وشكرًا