نيسان باترول 2007 بنزين للبيع باترول ربع حكومي موديل 2007 مغير شكله الى 2017 ، كوارين وقير 4500 مكينة LS2 6.0 استخدام بسيط وقليل جداً لا منّي ولا من راعيه الاول. -الموتر مفحوص وجاهز للنقل ومطابق من هيئة المواصفات والمقاييس وتقدر تفحصه مستقبلاً بالفحص الدوري بدون مشاكل. -مكينة LS2 6.0 المنيوم كام LS7 بدون رفة وشد توب باور والمكينة مافيها صوت ولله الحمد صوتها هاادي. -ثلاجة LS3 لهات Holley 102. -تجليس علي الخراز. -كلتش رياضي. -مراوح كهرب كبار سرعتين ، سرعة عادية وقت الاستخدام العادي وتشتغل على السرعة الثانية اذا وصل الموتر درجة حرارة معينة او شغلت المكيف. -مكيف دينالي شغال ثلج ولافيه مشكلة نهائياً ولله الحمد. -راديتر تعديل. -ضفيرة مختصرة. -كمبيوتر هولي الكبير. -تحويلة بدر الحمد. -طرمبة بنزين AEM. -مساعدات بروفندر 2.5 انش خزانات. -دبل خفيف وثقيل شغال. -فرارات استرالية. -علب كلتش تويوتا فوق وتحت مركبه عند كراج الحرابي. -البدي مرشوش كامل تجميلي ولا اعلم عن المعجون. -داخلية سوبر سفاري مع الثلاجة اللي بالنص شغالة مع تشغيل المكيف. -طارة سوبر سفاري. -مراتب خلفية سوبر صالون وليس ربع. -الارضية عليها حماية كاملة مع الوطايات. -دبة بيية ماقنا 3lnc (متطلب هيئة المواصفات والمقاييس) تركبها وقت الفحص. -مبرمج عند TRT الغنيين عن التعريف ومنزل رقم زين وعلى موتر ماعليه لا هدرز ولا هوائيات كاملة (فقط فلتر). -كفراته جدد توني مغيرها قبل شهر ونص تقريباً (4 كفرات) صينية طقمها ب 1400 تقريباً. الموتر مصيّن وجاهز شغل وامش الحمدلله ووقفته شييخ ماشاء الله تبارك الله . -ملاحظات على الموتر: 1-فيه صوت ونه خفيفه تطلع من سرعة 60 او 80 ولا يضره في ممشى ولا شي مجرد صوت وتخف اذا تعديت 120 لدرجة الانعدام. 2-القير اذا حطيته بالاول ومشيت عليه يفلت (تجي وتروح) ولا هي مشكلة اعتقد ان اصلاحها لا يتجاوز ال 300 ريال. 3-القير فيه قرّة بالرابع اذا بتعشق بسرعة ، اما التعشيق البسيط ماعندك فيه مشكلة. 4-لازم تراجع المبرمج لان الموتر احياناً يطفى اذا هديت السرعة فجأة (مشكلة ايدل تصلحها وانت واقف). 5- فيه تندية بسيطة جداً من عصا الدبل وتصليحها لا يتجاوز ال 300 ريال. 6-تلقيطات بسيطة فالداخلية (تلميع). (ومطيح سعر التصليح التقريبي للملاحظات جميعها ولا اشوفها ملاحظات كبيرة وتضر ممشى الموتر او عزمه) . وسبب البيع ولاني مجبور اقوله ولكن للتوضيح حفظكم الله ، اشتريته للشتوية هذي ، وللظروف اللي حصلت لي ما طلعت عليه الا طلعتين كشتات شبه بعيده شوي (ضواحي الرياض) طلعات خفيفة بدون جلد ، من شريته ما مشيته ولا 3000 كيلو . حدّي فيه سلمكم الله 45 ألف قابل للتفاوض ، مع العلم ان حقّه اكثر من كذا بكثثيرر والمشروع يكلف فوق 65 ألف. رجاءً اذكروا الله 🌹 والله يرزق