هيونداي ازيرا سمارت 2018 قير اوتماتيك بنزين الممشى: 266 ألف كيلو بسم الله الرحمن الرحيم السلام عليكم ورحمة الله وبركاته السيارة ماشاءالله تبارك الله المكينة ممتازة ولا تشكو من اي عطل لا حرارة ولا تبخير ولا تنقص زيت ولا تهريب والقير كذالك لانتعه ولا تأخير وسليم ولايوجد تهريب ومحافظ عليها و اول مالك من وكالتها والزيت كل 5 الاف يتغير بنفس زيت الوكالة مع السيفون وفلتر هواء المكينة اذا سليم انظفه واذا يحتاج تغيير اغيره وفلتر المكيف كذالك وبنسبة للبدي سليم الحمدلله لايوجد رش ولاتعديل فقط تبهيت خفيف بالكبوت وممكن يروح بالتلميع المائي والصدام بدايته من جهة الكبوت فقط وضربه بسيطة بالرفرف الخلفي يسار وماتستاهل ارشها او اعدلها خليتها على حالها وماسببت تشويه للسيارة وتم عمل صيانة سير مكينة وتصفية وبواجي وتنظيف الثلاجة والثروتل ووجه ثلاجة جديد وكراسي مكينة وقير وكراسي مساعدات وتم تنظيف حساس القزوز وطفت لمبة المكينة ورجعت تشتغل ويوجد فيها 2 حساس فقط يحتاج تغيير ولا يضر ولم اغيره هذا سبب ظهور اللمبة وبيني وبين المشتري الفحص اذا طلع اي شي بالسيارة خلاف كلامي اتحمل قيمة الفحص وكوب قهوة للمشتري بعض استكرات الوكالة موجودة والاستبنة جديدة لم تستخدم بعدتها كامله التواصل خاص للجاد وقبل التواصل شوف السوق والمعروض والممشى والبدي والسوم عليها وبعدها تواصل معي عشان تعطي سيارتي حقها بدون بخس بنسبة للشريطي لاتتعب نفسك وتبخس مكانها محفوظ ان ماجابت حقها السيارة للمستخدم خطوط او مدينة شغل وتوكل على الله والله يكتب الخير لنا ولكم السوم برقم الجوال عالخاص لأثبات الجدية والسلام عليكم