تويوتا كامري 2011 السلام عليكم ورحمةً الله وبركاته.. اعرض لكم كامري 2011 اوتوماتيك ستاندر لون فضي ( موتري الشخصي ) الممشى ( 357 تقريباً ) المحركات طيبه جداً جداً كنت اتردد عليها من القصيم الى الرياض والعكس .. القير مغيره قبل سنه من التشليح غير مستورد مركب لها طقم كفرات جديده قبل 4 شهور وطيس نوعيه ممتازه تحت الاصلي، ومغير كمبروسر مكيف جديد مع رديتر المكيف وايضاً عكوس جديده وشخال للشكمان جديد ومصفي المكينه تصفيه كامله .. الموتر باختصار طيب باذن الله وبطنه مشدود ومتماسك لاهربده ولاقربعه ولاغيره الديكورات الداخليه جديده ايضاً مسجل يحيى جديد .. الداخليه باختصار نظيفه لايوجد شقوق او كسور وغيره البدي يوجد بها رش على نصف الكبوت والرفرف الامامي الايسر والجمب يمين ولاكن لست متأكد اذا الجمب كامل مرشوش او فقط البيبان اليمين ، يوجد بها طقه بالشاصي الامامي على حادث قديم تقريباً قبل 4 سنوات والطقه بسيطه لا تأثر على الممشى ولا على الاستخدام وللمشتري الاحقيه الكامله في الفحص ويوجد فيها تبهيت بسيط على الكتف الخلفي يمين وشي بسيط من اخر التنده . ( الفحص و الاستماره انتهت قبل رمضان وامرها بسيط ) ( سبب البيع عدم حاجتي لها لشرائي سياره جديده ) . البيع ياخواني الكرام على السوم وارجوا منكم عدم البخس ومايسوم الا الصامل مع رقم الجوال والبيع باذن الله سمح ( نقبل البدل والتواصل للبدل على الخاص )