نيسان باترول 2016 قير اوتماتيك بنزين الممشى: 220 ألف كيلو  دبل بسم الله الرحمن الرحيم، أعرض لكم سيارتي باترول انفنتي QX80 (علامة نيسان الفاخرة) موديل 2016، الموتر غاية المستخدم، نظيف جداً واستخدام حشمة للسفر والخطوط فقط، وأغلب وقته واقف بالبايكة تحت الظل. المواصفات الأساسية: • الموديل: 2016 (وارد سعودي) • العداد: 220 ألف كم • القير: أوتوماتيك • الدفع: دبل ثقيل وخفيف (Auto / Manual) مواصفات : • فتحة سقف. • دخول ذكي وتشغيل عن بعد. • 4 كاميرات برؤية محيطية 360 درجة. • شاشات خلفية مع نظام ترفيه DVD/USB. • شاشة أمامية بنظام خرائط (Navigation) ومتابعة الصيانة. • حساسات أمامية وخلفية. • مثبت سرعة. • نظام صوتي محيطي فاخر من (انفنتي). • تسخين للمراتب. • ثلاجة تبريد. • مساحات تخزين واسعة، والعديد من المواصفات المعروفة في هذه الفئة. الصيانة والعناية (الموتر منفوض من الصدام للصدام): السيارة ما تحتاج تدفع عليها ريال، على ممشى 200 ألف سويت لها صيانة شاملة وكبيرة عند ورشة "عروق" (أبو عبدالرحمن) وشملت: • تغيير زيت القير (علماً أن تغييره منتظم كل 45 ألف). • تجديد الهيدروليك (تغيير جلد علوية للخلفي مع الزيت + جلد أمامية). • تغيير جميع المقصات بقطع جديدة. • تغيير أذرعة الدركسون الخارجية بجديدة. • تغيير طقم البواجي، وفلتر البنزين، مع تنظيف كامل لنظام الوقود. • تغيير قربة الرديتر بواحدة جديدة ومحسنة، ومساعدات الكبوت. • تركيب بلف حرارة "باترول فتك" (لأداء وتبريد أفضل) مع بلف تبخير جديد. حالة البودي والتاريخ: أنا المالك الثاني، والسيارة معي لها 3 سنوات ولله الحمد بدون أي حوادث. • الرش: تم رش الكبوت والتندة (رش تجميلي فقط) بسبب التبهيت، وهذا عيب مصنعي معروف في الباترول والانفنتي، والرش تم بشغل نظيف عند (أبو حسن التركي بالمساندة )، وتوجد صور قبل وبعد الرش لإبراء الذمة. • المالك الأول (من المعارف): جاته دقة في الرفرف اليمين والباب اليمين أول ما طلعها وتم تبديلهم وكالة، وطقة بسيطة في الرفرف الخلفي يمين تعدلت بدون تبديل السعر: الموتر متعوب عليه بالصيانه والمحافظه، وجاهز للمستخدم اللي يبي يدق سلف ويمشي. حدي بالبيع: 75,000 ريال (كاش). الرجاء عدم البخس، والتواصل للجادين على الواتس اب ، للاتصال الرجاء مرعاة وقت الاتصال بسبب العمل