كنيور للبيع مدينة الرياض 📍 معلومات الطير/ 📖 النوع: اوبلاين سينامون تركواز تصنيف فايوليت، لون جميل جداً مثل ما يوضح بالصور وهو من الانواع النادرة بسبب درجة لون الجناح. 🔢 العمر: 3 شهور ومفطوم له شهر ونص 🎯 التدريب: هدد يجيك لما تقول له تعال + مدرب على قضاء حاجته وانتم بكرامة بس تقول له (حط بوبو) وتطق بالطاولة 🧠 الشخصية: اجتماعي جدداً ويحب الكل بلا استثناء، حنون ما يحب يكون الا لاصق في احد، هادي جداً حتى صوته ما اعرفه من هدوءه، بشكل عام رايق ومو حق رقص او اصوات يحب التكية الهادية. 🚨تنبيه: شخصيته حاله من حال نفسه، وهذا يعني اذا ازعجته او حاولت تجبره على لعب مو عاجبه بيعاند وما يطبق تدريبه مثل الهدد وقضاء الحاجة، يعني باختصار هو فاهم بس على المزاج. سبب البيع: للامانة ما ناسبتني شخصيته الهادية بحكم تفضيلي للنوع الي له صوت وحركته كثيرة، ولا انا ما تم لي شهر مشتريه بسعر اغلى من الي عرضته هنا بس الحق شفت ان هذا هو سعره العادل بعد ما بحثت بالسوق. مناسب جداً للعوائل والصغار بحكم طبعه الحنون والهادي. اذا خاطرك فيه وبتخاف الله عليه تواصل معي هنا برسائل حراج وعسى الله يكتب الي فيه الخير.