2012 قير اوتماتيك بنزين الممشى: 1 ألف كيلو السلام عليكم ورحمة الله وبركاته يقول الله تعالى ﴿وَلَا تَبْخَسُوا النَّاسَ أَشْيَاءَهُمْ﴾ ﴿وَأَوْفُوا الْكَيْلَ وَالْمِيزَانَ بِالْقِسْطِ﴾ للبيع شفروليه تاهو 2012 بدون دبل مالك اول للسيارة الموتر استخدام عائلي وخطوط وممشاه 596 ألف كم تقريبًا المكينة وكالة ما انفكت ولله الحمد والقير وكالة ولكن متوظب على ممشى 400 ألف كم تقريبًا بسبب الكلتشات ويعتبر عمره الافتراضي على هذا الممشى والحمد لله القير حاليًا شغال وسليم ومافيه نتعات. الشاصي سليم ووكالة . المكيف أمامي وخلفي وبارد الله يبارك داخلية جلد بيج، مراتب خلفية واسعة، وشاشة أندرويد مركبة، وفيه كاميرا خلفية في مسجل أمامي. توجد صدمة خفيفة في الرفرف/الزاوية الأمامية واضحة بالصور ولا تاثر مرة والبدي عليه آثار استخدام وخدوش بحكم عمر الموتر وممشاه، والداخلية نظيفة ومحافظ عليها بس يبيلها ترتيب بسيط. بطن الموتر شبه نظيف بس فيه تلحيم بسيط في الواي بايب والرديتر عمل له تبديل وتنظيف خزان الرديتر بحكم اختلاط زيت القير مع الموية الرديتر والقير الحمد لله سليم وما يشكي من شيء تم توضيح حالة الموتر بكل أمانة وبراءة للذمة، والجاد يجي يعاين ويفحص على راحته والفحص على المشتري واذا فيه شيء نسيت اذكره فا الفحص يبينه ان شاء الله. الرجاء عدم بخس السلعة والموتر على السوم، ولا أقبل البدل نهائيًا. الله يرزقنا وإياكم من واسع فضله.