شيفروليه كروز LT 2016 قير اوتماتيك بنزين الممشى: 198 ألف كيلو السياره فل كامل شاشه وفتحه ومثبت سرعه وكاميرا وحساسات خلفيه ونقاط عمياء الفحص والاستماره والتأمين جديده وبدون مخالفات جاهزه للنقل الموقع: الرياض حالة البودي: الكبوت والصدام الامامي مرشوشه ولم تتأثر الدواخل أبدًا وموجود صور لها قبل الاصلاح ترسل للصامل، الصدام الخلفي فيه تشهيب خفيف السمكه اليمين فيها طعجه اثر رصيف وعلى حالها وباقي البودي وكاله لا يخلو من الحكات الغير واضحه الشاصي والايرباقات: وكاله وكان فيه استدعاء من الوكاله على ايرباق الدركسون حالة المحركات: القير وكاله، المكينه وكاله لكن مفكوكه لتغيير وجه غطاء البلوف ومبرد الزيت فقط بدوووون توضيب، انفكت على ممشى 170 الف ولها 20 الف كيلو زي الحلاوه ما اشتكت، مغير قربة و رديتر كامل ومروحه مع ملحقاتها، الكويلات والبواجي كل 20-30 الف تتغير وجمييييع القطع المذكوره اصليه GM باستثناء الفحمات كوريه فقط، منتظم بتغيير الزيت عند الوكاله ثم بترومين من اول ما شريت السياره. المكيف: البارد والحار والقسام كلهم شغالين ولا يشكون من شيء الداخليه: نظييفه لكن الشاشه اللمس يعلق فيها احيانًا وفيه تحكم بالدركسون ولمس من برى الشاشه، الأرضيه والشنطه ملبسه بلاستك حمايه. وباقي حمايه على نص الرفارف الاماميه يشهد الله علي ان السياره غاليه علي عمليه وخدمتني، وسبب البيع شراء سياره كبيره الحد 25 الف ريال