هوندا اكورد 2005 قير اوتماتيك بسم الله الرحمن الرحيم للبيع هوندا أكورد موديل 2005 (أوتوماتيك - فتحة سقف). حالة المحركات: المكينة: مستبدلة بمكينة ثانية نظيفة جداً، وعزمها ما شاء الله تبارك الله. القير: شرط وعلى الفحص. الشاصي : اموره طيبه ولله الحمد التكييف : ثلج ماشاء الله حالة الهيكل والبدي: الموتر فيه دقة بسيطة من تحت في (جسر الرديتر السفلي) بسبب حفرة أكلتها وأنا مدحدر بمهل وقت مطر. سحبت الجسر وعدلته وأموره طيبة، وغيرت الرديتر لواحد جديد احتياطاً عشان ترتاح من ناحية الحرارة. الموتر متماسك في الخط ولا يشتكي من شي، بس ذكرت السالفة عشان لو فحصت وطلع لك أثر تعديل بسيط تكون على بينة. اللي يبي يشوف صورة الدقة قبل التعديل موجودة عندي وبرسلها له عشان يطمن إنها شي بسيط. البدي: يوجد رشوش متفرقة، والصدامات (الأمامي والخلفي) مرشوشة تجميلياً بسبب حكات وضربات بسيطة. الإيرباقات: موجودة وسليمة على حد العلم من شريتها المواصفات والداخلية: الداخلية: نظيفة جداً ومرتبة الممشى الكلي للسيارة: 560 ألف كم. الاستخدام: السيارة متماسكة وجاهزة للمستخدم وبطنها نظيف حالة البيع: البيع: على السوم، والسوم وصل 10،000 والبيع للصامل بحول الله