فورد موستنج 2014 قير عادي اول شي السلام عليكم ورحمة الله وبركاته والله يبارك للجميع في حلالهم ومحد مجبور يشتري ولا احد مجبور يبيع لاكن لاكن الوعي مطلب مهم جدا بالنسبه لنا كا مستخدمين ويشهد الله اني بتكلم بصراحه بما يخص البيع والشراء عندنا فالسعوديه ومع الأسف البعض او الغالب عنده هوس في موتره وحنا اولا واخرا في سوق سيارات وبييع وشراء وكل شي له سعره وبالمنطق وعلى الموديل والكل عارف الباقي اتعجب كثير من اسعار الموستنج انا مالك لموستنج موديل 2009 اصدار 45 سنه وعندي 2014 فل كامل كوبرا جت وتعديلات اخرا وطبعا بايع 2009 يمكن قبل 8 سنوات ويشهد الله اني بايعها 23 الف فقط ولا كان تشتكي من اي شي لا قير ولا مكيف ولا كهرب ولا شي وموديل 2014 قبل 3 سنوات بايعه 60 الف والان لي مايقارب اسبوع متابع لاسعار الموستنج انصدمت والله من المبالغه جدا في الاسعار واكبر دليل لو تشوفون اسعارها بدول الخليج تنصدم خاصه في الامارات تعرف ان عندك المستخدمين للموستنج عندهم الغالب جشع قوي بالبيع والمبالغه جدا في الحد من السعر فا انا كا مستخدم او كا زبون سوق انصح اي شخص نصيحه لا تاخذ اي موتر لو تشوفه نظيف اذا كان سعره مبالغ فيه انت مو محصل فلوسك بالشارع وكذا الكل اذا كان فيه وعي راح يعرض سيارته بالسعر الطبيعي بدون اي مبالغه اعتذر جدا على الاطاله لاكن للاسف والله السوق عندنا جدا تعبان وجشع مو طبيعي الله المستعان بس