تويوتا لاندكروزر GXR2 1998 قير عادي بنزين الممشى: 300 ألف كيلو أو أكثر  دبل بسم الله... جكسار موديل1998 كلشيء اساس من قير وسبير علاق ، تانكيين بدون فتحه بدون دفلك كرونه LSD ، عليه تسليك كنود وتانكي ماء 80 لتر ، طقم كفرات جديد جنوط شنابر 5 والكفرات جديده ، ممشى الموتر 900 وكسور ، البدي بلد كامل ، فيه طرف رفرف يسار امامي من راعيه الاول معجون والكبوت مرشوش توحيد لون ، والباقي سليم عدا طقه بالرفرف الخلفي يمين كبر الكف ولاعدلته على وضعه ، الموتر بشكل عام طيب وللمستخدم مهب للشريطي.. يايات خلفيه فورويل ومساعدات جبريل وقدام بلد ، المكينه تنقص زيت ولاحسبت على كم تنقص لكن التقريبي على 2000 ربع علبه ، استمارته ساريه فحصه منتهي ، قزازه كامل بلد عدا الاماميه اغلب ديكوراته سليمه ومنجد داخليه كامل من راعيه الاول ، الموتر له معي 3 سنوات ، اول عرض للموتر ، ((((( الموتر ان ماجاب حقه بخاطري ولا مكانه محفوظ مانب محدود على البيع))))) التواصل خاص فقط منعاً للاحراج السوم برقم الجوال ، الصامل يجي ويفحص الموتر كامل من والى ويبشر بالخير ان شاء الله اني ذكرت جميع تفاصيله واللي يبي تفاصيل اكثر يتفضل وظبته نص توظيب غيرت سبايك وجنزير مكينه وشحاطات المحركات قير ودبل سليمات وشغالات ، فيه بعض الملاحظات تذكر للصامل ، الموتر بيني وبينك الفحص واللي قلته ذمه وامانه وصلى الله وبارك على نبينا محمد.