نيسان باترول سوبر سفاري 2004 قير عادي بنزين الممشى: 300 ألف كيلو أو أكثر  دبل الموتر سوبر سفاري 2 بدون دفلك بدون فتحة . استمارة وفحص ساري كان تماتيك ومقلوب عادي ، يوم اشتريه قبل شهرين كانت كوارينه تختلف الاماميه تماتيك والخلفية عادي ووديته للصمعاني غيرت كوارين امامي وخلفي مقاس 9.37 حقت قير عادي. وعدلت فحجة بمبلغ 5500 غيرت 16 جلبة تحتي الموتر من عند ورشة الانجاز كار مع مسامير توازن خلفية اصلي ، وركبت كفرات سيام تاير شبيه الدنلوب 4 جدد برمضان. الطبلون ليزر ولكن قراءته غير دقيقة عداد الكيلو وعداد تانكي البنزين الكبير ، ورشة العثيم يصلحه لكن ماوديته. الموتر مرشوش كامل مع راعيه الاول بسبب صدمة بالقائم الخلفي الايمن وفيه تبهيت بالكبوت والتندة ، ومشيوله الشناكر الخلفية وفي عندي ورقة الفحص من ابو صطيف ببريدة يوم اشتريه. الموتر عليه هدرز ودبة الكترونية ؛ فلتر مع غرفة ؛ كويلات ابوحبل ، وكلتش ابو جرس. المكيف الخلفي والثلاجة من اشتريته مايبرد ولا فحصتهم ، المكيف الامامي تبريده ممتاز ودفعه ممتاز كذلك. السنترلوك لايعمل الا لباب السائق والراكب من اشتريته. الموتر واضح لي كان عليه كام وكمبيوتر سابقاً، لكني مشتريه كامات وكالة وكمبيوتر وكالة كذلك. مالاحظت اي نقص بالزيت كل فترة اطلع عليه واشيك مافي ولله الحمد اي نقص ، الموتر خفيف نفس تبارك الرحمن. يحتاج تغيير جنزيل دبل ، وفحصه ساري. هذي كل ملاحظاتي على السيارة وان شاءالله اني بريت ذمتي. السوم على العام مع رقم الجوال ، وارجو مراعاة مخافة الله في السوم ولولا الحاجة مابعت. الله يوفقنا وإياكم.