جي ام سي يوكن XL دينالي 2008 قير اوتماتيك بنزين الممشى: 300 ألف كيلو أو أكثر  دبل السلام عليكم عندي جمس للبيع ومجدد الاستمارة والفحص طبعا الجمس عندنا واستخدام عائلي اخذته من شهور ابجدده واستخدمه لكن الظروف عيت . الموتر جمس دينالي لونه ذهبي ممشاه تقريبا 330000 دفع رباعي ، الطويل ماهو القصير غيرت المكينة لمكينة جمس 2012 موضبة عند ورشة عبدالله التميمي وكذلك القير وضبته عنده والرجال مختص امريكي وممتاز ومعروف بالسوق . غيرت المبرد حق وكالته من 10 الاف وحدة الى 40 الف يعني انسى القير يحتر او يعلق بين التبديلات مع الخطوط اموره ممتازة جدا ، كذلك وقفته عند تماسك تربيط كامل قص علي 2500 تربيط كامل ، كذلك نفضت بطنه كامل عكوس مسامير توازن اذرعة مايشكي من شئ ابد ببطنه على كلام مقصود الهندي اللي قدام ورشة الدعفس ، كذلك وديته هيدروليك وضبط الدوده و لي الدركسون وامور دركسونه عال العال . كذلك غيرت الاديتر وكالة ومافيه اي حراره نهائيا لو توقفه وتولع المكيف اخر شئ مايحتر نهائيا كذلك غيرت الفريون حطيت امريكي ممتاز جدا والمكيف مركزي ثلااااااجة ركبت له كفرات موجوده عندي بهن نص عمر وامورهن ممتازه غيرت السلف وتشغيلته طيبه مايشكي من شئ . العيوب اللي لاحظتها ومالحقت ابدلها لنقص المادة . البويه فيه مناطق بها تبهيت . المكيف الحار مفصول فقط بارد . بعض الحساسات تولع مثل ال اي بي سي وحساس الكفرات وحساس البيبان كل الازرار تشتغل ماعدا مثبت السرعه يعطيني بالجهاز يجب اصلاح جهاز الثبات واتوقع حساس لان الزر تولع لمبته معناته شغال . غطاء التانكي حق البنزين يحتاج تبديل مايثبت زين . فيه صوت بالدريشه اللي بالباب الخلفي من المطبات كأنه صوت حركه او احتكاك ويوم شفت الا يبيله تبديل ربل او تضيف ربل اضافي ويروح الصوت . المراتب كلها ممتازه والكترونيه ماعدا مرتبه السواق لابغيت تقدمها بطيئه جدا . يحتاج تنجيد داخلي مرتبة السواق والراكب فيها شق هذا اللي عندي والله اعلم واي شي سويته موجود عندي فواتير ومستعد اعطيكم ارقام اللي اشتغلت عندهم وعندي فحص من البنية لأول مااخذته مستعد اللي جازم ارسله له يشوف وش يقول الفحص قبل اشتغل عليه . الموتر تعبت عليه وارهقني ماديا واللي يبي ياخذه ويغير اللي قلت عز الله بيتخذ موتر متعوب عليه . اتمنى عدم بخس السلعه والموتر قص علي مبلغ على شغلي هذا . اللي يبي يشوفه ويجربه عند معرض الصقري يتواصل معي وارسله للمعرض يطلع يجربه ويشوفه.