دبابات دباب صيني السلام عليكم ورحمة الله وبركاته، للبيع دباب صحراوي كفرات خط (وسام ناري) بحالة ممتازة جداً وشبه جديد، مخزن في بايكة وممشاه 508 كيلو متر فقط توه مخلص تمرين. الدباب ببطاقته الجمركية. شغل الدباب كله على يدي ومهتم فيه اهتمام شديد. تشغيل سلف فقط بدون هندل. مع هدية مجانية خوذة مرفق صورتها بالاعلان. سبب البيع رضى الوالد. الفيابر شلت الستيكرات منها وحاليا بدون ستيكرات وشكله شوفه عينكم ارتب وانظف بدونها، فيه خدش بسيط بالجهه خلف يمين موضح بالصور. المكينة زي العسل، زيتها الى الان مغيره 4 مرات، اخر مره توني حاط زيت موتول 7100 استر تخليقي يعني سنة قدام او 2000 كيلو ماتشيل همه. مهتم جدا بالصيانه، مرنته بافضل طريقة اقدر عليها، الزيوت الي اغيرها ليكي مولي الماني وموتول استر، وزي ماذكر الدباب بيسلم لك بزيت موتول استر جديد فيه. التعديلات والترقيات : - غطى التانكي البلاستيك غيرته بالمنيوم CNC يفتح ويقفل زي العسل بدال حق الوكالة السيء بالغصب ينفك. - ضفيرة الكهرب غيرت فيها منظم الشحن لانه ضعيف جدا ولايشحن البطارية بشكل سريع ويحتر، وبرضو تدخل بالبنات حقته مويه وقت الامطار، ركبت واحد لدبابات فئة 650cc اصلي واسلاكه ملحومه ومعزوله ضد المويه والغبار. - محبس البنزين حق الوكالة مافيه خاصية الاحتياطي يعني يوم يخلص البنزين مالك الا تدفه، ركبت محبس جديد فيه خيار الاحتياطي اذا خلص البنزين تحطه تحت ويمشيك لاقرب محطه. - الشمعه الامامية بالامطار دخل لها مويه خفيفه فا نشفتها وعزلتها بسيليكون RTV اصلي عشان مايدخل لها ماء ابد. - مسامير فريم تثبيت المكينة بالشاصي مستخدم فيها ثريد لوكر او غراء مسامير ومشدوده بمفتاح عزم بشدة ممتازه، لان فيها عيب مصنعي تتهمل مع الوقت بسبب اهتزازات السلندر، ومعد تتهمل حاليا لها حول 400 كيلو ماتهملت نقطه. - برضو مسامير الترس الخلفي فيها عيب مصنعي تتهمل، حطيت فيها برضو ثريد لوكر وشديتها بمفتاح عزم ومعد تهملت. الدباب منوة المستخدم وشبه متاكد مافيه مثله بالسوق بالنظافه والاهتمام، وكل خرابات الصيني محلوله وجاهز للاستخدام. الدباب افضل من الجديد لانه ممرن وجاهز خذه واجلده على راحتك وحاولت احل كل مشاكله المصنعية المشهوره، اتمنى عدم البخس. موقعي العريجاء الوسطى بالرياض، التواصل على رسائل حراج. حد 5500، ولست مستعجل على البيع.