فورد جراند ماركيز 2008 السلام عليكم ورحمة الله وبركاته اذكرو الله وصلوا عالنبي اعرض لكم فورد قراند ماركيز 2008 ممشاه 364 الف انا المالك الثاني للموتر وجميع كتالوجاته ومفاتيحه موجوده والطفايه الاسعافات الاوليه داخل الشنطه البرتقاليه موجوده الاسبير لايوجد طبعاً الفورد سعودي وستاندر يجي فتحتين اقزوز او شكمانين ومكيف خلفي المراتب مخمل السياره اليوم فحصتها وجاهزه للنقل مع العلم تم قبل الفحص تغيير بطاريه جديده وصدامات وشبك. وتم رش الصدامات نفس رشته السابقه وينطبق ذالك عالحادث الي حصل بجمبه وموجوده صوره الحادث خفيف وكل القطع الرفرف والثلاث بيبان جبتها من التشيلح من فورد ثاني السمكره فقط فوق الكفر على الرفرف الخلفي جزء الضرر فقط وسمكره بين البابين المعاوني والي ورا وواضحه بعد الرشه تقدر تشوف ان فيه سمكره ولايشكو من شي بعد الحادث سوا وزنيه باب المعاوني تدخل هواء خفيف الموتر ماشاء الله عليه له معي اكثر من سنه ونص تقريباً وكنت اسافر عليه من الرياض للمدينه ومن المدينه للرياض وله مايقارب الخمس شهور ماطلع برا المدينه ولاابعد الموتر اغلب المده ذي واقف وقبل اوقفه كنت اروح فيه للرياض وارجع يعلم الله ماادري عن بطنه بس عضلاته ماشاء الله كويسه مابها خلاف وقيره ومكينته مالاحظت فيها شي ابداً ماشاء الله موتر طيب والموتر غسلته بستم من عند بولير ب 100 مادة تفكك الزيوت ورجع بطنه نظيف وصلحت التهريب حق زيت الطاره وغسلته بستم مره ثانيه الي بيجي ويشوف بطنه بيعرف اذا فيه تهريب او لا. وانسام من واحد شافه بالورشه اثناء رش الصدامات ب 9000 الي عنده زود وصامل حياه الله واتمنى عدم البخس بيعتي عالبارد الموتر يستحق اكثر وماني مستعجل على بيعته