هيونداي النترا GL 2011
قير اوتماتيك
بنزين
الممشى: 246 ألف كيلو
لاتنسى ذكر الله
النترا 2011 نص فل GL+
ممشى 246 الف كيلو
وكيل الوعلان
مكينة كبيرة 2.0 تماتيك نوادر الوعلان
مواصفات:
ريموت
فتحة سقف
مسجل بلوتوث
مرايات كهرب
بدي وكالة ماعدا رش ثلاث قطع
رفرف يمين مرشوش ومسمكر اثر صدمة قديمة من عام 2012
صدام خلفي مرشوش اثر صدمة خلفية بسيطة (صدام الوكالة موجود لكن يحتاج تلحيم فيبر للمسامير)
باب خلفي يسار مرشوش اثر صدمة وهو واقف
يوجد حكوك وقشعة بوية خفيفة اماكن متفرقة
الموتر نظيف وكالة باغراضه
استبنة الوكالة مانزلت من الشنطة تاريخ 2010
كتالوجات وطفاية واستكرات وعدة الوكالة كاملة بالشنطة ماستخدمت
تشيكات الوكالة من 1000 كيلو الى 60 الف كيلو بالوكالة مختومة من الوكيل الوعلان بالاوراق وموثقة بكتالوج الصيانة
الموتر نظيف ولا يشتكي من شي استخدام شايب سابقاً
واستخدامي داخل المدينة وللدراسة
مكينة نظيفة مفحوصة مسوي تصفية للمكينة كاملة من بواجي وتنظيف بوابة وحساسات
ومغير قطع استهلاكية بسيطة
ومغير له طبة رديتر كوري ومعبي لها موية رديتر هيونداي اصلية
فلاتر جديدة
مكيف مايشتكي من شي والله الحمد كمبرسر وكالة فقط منظف الثلاجة ومصلح التهريبات ومعبي له فريون امريكي اصلي
مطقم كفرات جديدة هانكوك من وكيلها بن شيهون تاريخ 2025
بطارية جديدة 2025
شمعات عليها ppf ضمان 5 سنوات من الغبار والتصفير
مغير لها زيت قير جديد وكالة ولايشتكي من شي ولله الحمد
واغير لها زيت مكينة فوكس تيتان 10w30 على 4000 الالف
مغير لها جنوط حديد مع طاسات وكالة بختم هيونداي (جنوطها الاصلية حقت المصنع موجودة)
مغير كراسي مكينة وقير جديدة اصلي
بطن الموتر منفوض ومشدود وكل فترة اشحمه
مغير مساعدات خلفية كوري فقط
مغير فحمات كوري واشوفها ممتازة جداً وافضل من الاصلي
الموتر كان عليه عازل داخلي كامل القزاز وفكيته بسبب انتهاء عمره وضمانه
و كان منجد كامل من خروجه من المعرض ارضية مراتب طارة وديكورات والطبلون وفكيتها ومازالت الارضية والمراتب محافظة على نظافتها والطارة والديكورات بعروقها
الموتر ماشاءالله على حجمه وعمره الى انه باقي مثل ماهو ولا غيرت فيه اشياء حساسة ونشيط وفيه حيل ويجمل للمحافظ والي يصينه اول باول ولا ينقصه شي والله الحمد
وتحمل لوحة ارقامها شبه مميزة ب س ر 1661
للذمة بيني وبين المشتري الموتر يحتاج:
صفاية بنزين (بحكم انها وكالة ولا قد تغيرت)
خرط هوبات امامية (الفرامل بحالة نادرة ماتمسك زين)
شد جلنط (اذا كان الموقف على طلعة لازم تسحبه اخر شي)
وزن الكفرات الخلفية (بسبب الحفر والمطبات)
وزن الشنطة الخلفية
الموتر على السوم
ورجاء خاص للمشاهد اقراء الاعلان كامل
والموتر عطه حقه او سومته السوقية وعلى نظافته
واتنمى تختم مرورك
