فورد f150 2014
بنزين
الممشى: 288 ألف كيلو
فورد رابتر 2014 ( اخر دفعه من الجيل الاول) قمة في النظافة.
الموديل : 2014 (طلع من الوكالة 2015).
الوارد : سعودي توكيلات الجزيرة.
الممشى : 288 الف قابل للزيادة البسيطة.
المكينة : 6.2 المكينة الكبيرة.
البودي : وكالة ولله الحمد بدون رش او صبغ.
الحالة الميكانيكية: ممتازة بدون اي مشاكل ، قير وكالة محافظ على تغيير الزيت (فواتير موجودة) ، مكينة وكالة محافظ على الصيانات المنتظمة ، المساعدات (فوكس) ممتازة مافيها تهريب ومتماسكة الدبل الثقيل والخفيف شغالين بدون مشاكل او ملاحظات ، الدفرنسات محافظ عليها ولا يوجد فيها ملاحظات او اصوات ، العضلات ممتازة الموتر متماسك البريكات سيراميك تم تغييرهم قبل شهر ماشاء الله.
الحالة الكهربائية: ممتازة ، جميع الاجهزة و الأضاءة شغالة بدون مشاكل سواء داخلياً او خارجياً.
حالة الزجاج : جميع زجاج السيارة وكالة.
المكيف : جداً بارد بدون اي مشاكل ، تم فصحه قبل شهر (بداية الصيف).
حالة الداخلية : جداً نظيفة لا تشكي من شي (محافظ عليها بشكل دوري).
المواصفات : فورد رابتر غمارتين اعلى فئة متاحة ، المواصفات كثير المعروفة و الواضحة بالصور.
الملاك : المالك الثالث (مع معرفة الملاك السابقين)
معلومات خاصة عن السيارة : من الصفر الى ممشى 245 الف جميع الصيانات في الوكالة (يوجد ملف لها بالوكالة) ، بعد الممشى هذا الصيانة مستمرة في مراكز معتمده وموثوقه (الفواتير موجودة) ، يوجد مع السيارة 3 مفاتيح وكالة بقراطيسهم ، السبير حق الوكالة ما قد نزل.
السيارة عليها تظليل حراري جديد (شركة امريكية) ، تم تلميع السيارة واضافة 3 طبقات نانو سيراميك من 3 اشهر تقريباً.
الكفرات بي اف قودرتش مقاس 35 جديدة عمرها سنة بتكلفة 5500 ريال (الفواتير موجودة).
الأضافات : الموتر وكالة بدون لعب بالبرمجة او الكهرب ، فيه اضافات بسيطة تحسن تجربة السواقة بدون اللعب في اعدادات المصنع : كت باك كورسا اكستريم (بتكلفة 11 الف) ، فلتر هواء رياضي (بتكلفة 3 الاف ريال) ، اضاء ال اي دي خفية وراء الشبك.
علماً بأنه قطع الوكالة جميعاً موجودة ومشمولة بالبيع ، يشمل البيع ايضاً غطاء حوض اصلي من الوكالة (leer).
البيع مع اللوحة او بدون على حسب الاتفاق مع الشراي الله يبارك له.
الموقع : الظهران.
السعر : على السوم ، اتمنى عدم بخس السلعة وتقدير نظافة الموتر.
للمشتري حق الفحص في اي مكان يرتاح له.
فحص دوري ساري.