تويوتا لاندكروزر GXR 2003 قير عادي بنزين الممشى: 163 ألف كيلو  دبل **لاندكروزر GXR موديل 2003 - قير عادي - ممشى 163 ألف حقيقي **ما شاء الله تبارك الله، واذكروا الله يا جماعة الخير..** للبيع جيب لاندكروزر GXR (بنزين) موديل 2003، قير عادي، الموتر مخزن وممشاه نادر وبحالة ممتازة جداً. * **الممشى الحقيقي:** 163 ألف كم فقط (ممشى نادر جداً لجيل الـ 100). * **المحركات:** (مكينة، قير، دفرنسات، دبل) شرط الوكالة وعلى الفحص مية بالمية. * **البدي والصبغة:** البدي سليم من الحوادث والصدمات القويه ولله الحمد والفضل، والموتر مرشوش كامل "تجديد لون خارجي وتجميلي" بسبب خدووش بسيطة وأثر وقفة الشمس،. (أبراءً للذمة: الموتر فيه نسبة معجون خفيفة وقليلة جداً في مكان ما بسبب حكة بسيطة، ومن نظافته مهيب مبينة بالعين وناسي مكانها وين بالضبط، والفحص بـ جهاز البدي بيني وبين المشتري هو اللي يحدد مكانها). **الصدام الأمامي:** مغير جديد وتجميلي مع تجديد الخطوط الخارحية لمظهر جمالي. (جاهز للمستخدم): الموتر منفوض بطنه بالكامل قبل أيام بقطع أصلية من وإلى، والمشتري بياخذ موتر جاهز للخط والبر وما راح يدفع عليه ريال واحد: * كراسي مكينة جديدة وأصلية (مغيرة بسبب وقفة الموتر ونشافة الربل الطبيعية). * نفضة كاملة جديدة للجلد، العضلات، المساعدات، الأذرعة، والركب. * الداخلية مخمل بيج نظيففة وديكورات الوكالة كاملة ومتماسكة وبحالة ممتازة. * الثلاجة والمكيفين شغالين وثلج ما شاء الله. ### 📌 الشروط والمعاينة: * **الفحص:** اشرط على المشتري الفحص في أي مركز يختاره (بدي ومحركات) بالخرج أو الرياض **البيع:** كاش فقط ولا لي رغبة في البدل. **السوم:** الموتر لم يسَم من قبل، والبيع لأعلى سومة ترضي الخاطر وتناسب نظافة الموتر وممشاه. البركة في الصدق، والرجاء لا يتواصل إلا الصامل اللي يعرف قيمة النظيف والممشى النادر.. التواصل عبر الواتساب، والصور واضحة