📢 فرصة شراكة ونجاح (تأسيس فريق عمل من الصفر بمكتب مجهز)
يا هلا بالمبدعين..
عندي مكتب مجهز بالكامل بأجهزة مواصفاتها قوية وإنترنت سريع، وجالس أسس وكالة خدمات رقمية وإنتاج محتوى من الصفر، وبنفس الوقت بنطلق مشروع قوي لـ تصميم وبيع القوالب الرقمية للمتاجر.
أنا ما أدور على مجرد "موظفين" ينفذون أوامر ويمشون، أنا أدور على شركاء نجاح يبدأون معاي حبة حبة، نكبر سوا، ونتقاسم الأرباح. الشغل في البداية ما راح يكون براتب ثابت، بل بـ نظام النسبة والعمولة المجزية من كل عقد ومبيعات تجينا (أو بنظام القطعة). مكاني وأجهزتي وإنترنتي تحت تصرفكم، والمشاريع والتسويق عليّ، وإبداعكم يدخل في جيبكم كاش أول بأول.
مطلوب حالياً 3 مبدعين ينضمون للمكتب فوراً:
1 المصور الميداني (صانع المحتوى البصري)
وش نبيك تسوي؟ تنزل معاي للميدان (مطاعم، كافيهات، متاجر) ونصنع محتوى رهيب.
الشرط الأساسي: ما نحتاج كاميرات سينمائية الحين؛ نبيك شخص فنان وتعرف تطلع لقطات وزوايا فخمة وعالمية بـ جوالك الآيفون (أو كاميرتك الخاصة لو عندك)، لأن الشغل الذكي الحين كله بالتصوير السريع اللي يضرب ترند في تيك توك وسناب.
2 محرر الفيديو والمونيتير (Video Editor)
وش نبيك تسوي؟ تجلس بالمكتب على جهاز قوي مجهز ومريح، تستلم المواد واللقطات، وتطبخها صح؛ قص، تلوين يفتح النفس، تأثيرات صوتية، ونصوص حماسية تخلي المشاهد ما يتخطى الفيديو.
3 كاتب المحتوى ومصمم القوالب (Canva)
وش نبيك تسوي؟ تمسك الشق الفكري والتصميم الرقمي؛ تدرس حسابات العملاء وتكتب أفكار وسيناريوهات الفيديوهات قبل ما نصورها. وفي المكتب، نبيك تصمم معاي على Canva حزم قوالب جاهزة وفخمة لمختلف المتاجر عشان نرفعها في متجرنا وتنزل كاش تلقائي.
📍 وش اللي يهمني فيك؟
الالتزام والجدية والروح الحلوة؛ بنقعد في مكتب واحد، نتحاور، نطور الأفكار، ونتعلم من بعض.
تكون متواجد معانا بالمكتب وتبي بيئة عمل احترافية تطلع فيها طاقتك.
عندك نماذج لشغلك (حتى لو تجارب شخصية أو بسيطة) ورني إيش تقدر تسوي.
إذا شايف نفسك واحد من هالثلاثة، وتبي تبدأ مشروع حقيقي من الصفر وتكسب منه كاش وتكبر معاه، ارسل لي نماذج من شغلك على الخاص، ونتقابل بالمكتب وندردش في التفاصيل ونبدأ
