قطه للتبني اسمها صوفي عمرها 4 سنوات ما تعاني من اي مرض الحمدلله ولا قد جاها فطريات ، بس باقي ما خلصت تطعيماتها. وما سويت لها عملية تعقيم ولا قد تزاوجت تاكل دجاج مسلوق واضيف عليه مرتين بالشهر جزر وكوسه وبطاطس وزيت زيتون مسلوقين مع الدجاج واهرسهم ، وتاكل برضو اكل رطب ( ابلاوز ، شيزر ، كت كات ، فليكس ، ويسكاس ) ودراي فود ( ابلاوز ، هريره ) ويكون مخفف بمويه او اضيفه على دجاج مسلوق. ما تحب الاطفال ومره تعلق مره بصاحبها لدرجة انها ما تاكل ولا تشرب لا فقدته يعني في احتمالية انها ما تاكل فتره لا اخذتها مني لين تتعود عليك. سبب عرضي لها ظرف صحي واخاف اني اقصر بحقها او اهملها ف اتمنى من اللي بياخذها يخاف الله فيها ويكون شخص قد المسؤولية ولا احلل احد ينطلها بالشارع او يتركها بيد الاطفال في حال جاء يوم ما عاد بغيتها تكلمني انا اذا قدرت خذيتها او ندور لها متبني. مستحييل تعيش بالشارع ابدا مره خوافه بالنهاية من ياخذها المتبني يعرف انها طلعت من ذمتي لذمته وانها امانه برقبته ليوم الدين ( اللهم اني بلغت اللهم فاشهد).