لكزس LX 570 DD 2017
قير اوتماتيك
بنزين
الممشى: 300 ألف كيلو أو أكثر
دبل
السلام عليكم ورحمة الله وبركاته
أسعدالله مساءكم وأوقاتكم بكل خير اخواني الكرام
(صلوا وسلموا على نبينا ورسولنا وقدوتنا محمد صلى الله عليه وسلم)
🌹ارجوا من المتابعين والزوار الكرام زيارة خانة التقييمات ومن ثم قراءة الاعلان بالكامل وعدم الاتصال بصاحب السياره الابعد الاطلاع على تفاصيل الاعلان بالكامل لان كل التفاصيل فيه شاكر ومقدر لكم تعاونكم 🌹،،،
اعرض على انظاركم جيب لكزس LX570 موديل 2017 فل كامل نظيف جداً جداً ممشاه 370 ألف كيلوا ممشا نظافه وصيانه مستمره فالوكاله وبعدها في مراكز معتمده مالك واااااحد من الوكاله الى قبل عيد الفطر ثم تم شراءه من قبل جاري وعيّد عليه هو واهله ورجع ويبي يبيعه الآن وتقرير موجز موجود وتم عليه صيانات بحوالي 20 الف ريال وسوف يتم مناقشتها معى الصامل فالشراء ومن الصيانات التي تمت عليه :-
طقم كفرات 4 دنلوب بن زقر من الوكيل
بطاريه جديده
زيت قير بالفلتر جديد
زيت مكينه بالسيفون جديد
صوفة مكينه خلفيه
جنزير مكينه بالشدادات طقم كامل وكل القطع اصلي وكاله
طرمنبة زيت
طقم وجيه بلوف
فحمات اماميه وخلفيه جديده معى خرط الهوبات وشد الجلنط
تصفيه كاااااامله للمكينه
وبعض الصيانات الاخرى لاتحضرني الآن ،،،،،،
الموتر ماشاءالله تبارك الرحمن موتر نظيف بما تعنيه الكلمه المراتب الخلفيه لم تستخدم نهائياً
زجاج وكالته بالكامل
انوار وكالته بالكامل
بودي بلد شرط(مافيه الا الصدام الامامي والخلفي ومغيره بحساساتها فالوكاااااله وملفه موجود فالوكاله بكل شي تم عليه من صيانات او اي شي تم عليه)
محركات بلد بالكامل شررررط
اسبير بلده بزرعه لم يستخدم
اغراض وعدة ودفاتر وشنطة وكالته وسماعات الوكاله لازالت على حطت الوكاله لم تستخدم نهائي
مفاتيح وريموتات وشريحة الوكاله موجوده وشبه جديده
عليه حمايات مقدمه واكتاف ومرايا وصدامات وانوار وتظليل لكامل زجاج السياره بمبلغ حوالي 5000 الاف ريال معى ضمان ممتد لعشر سنوات من شركه عريقه ومعروفه في مجال العزل
لونه مميز ازرق غامق فالاستماره(المعروف عند العاميه كحلي ملكي)
مرفق معه تقرير موجز
وداخليته جملي وجديييييد من الداخل وللامانه موتر نظيف جداً وتتعب وانت تقول عليه نظيف موتر جداً طيب للمستخدم مايحط فيه ريال واحد باذن الله يشغل ويمشي ويدعي لنا بإذن الله ولانبي الا الدعوه الطيبه من الجميع
سعر البيع:-
حد راعيه 205 الاف ريال والصامل يبشر بالخير وترى راعيه سمح واجودي ولاهو مقصر معى احد ان شاءالله
ارجوا التواصل بعد قراءة الاعلان بالكامل بالرقم الموجود فالاعلان وهو رقم راعيه والله يبارك لصاحب النصيب
وسلامتكم جميع ،،،،
،،،،،،،،،،،
..........
