السلام عليكم ورحمة الله وبركاته، إخواني، لقيت 3 قطط صغار جداً (أطفال) عند المسجد فقدوا أمهم ولا حول لهم ولا قوة. خفت عليهم من الموت في هذي الأجواء وعز الصيف، فأخذتهم عندي بالبيت كإنقاذ مؤقت لحياتهم. لكن يعلم الله إني ما أقدر أخليهم عندي لعدة أسباب: أنا طالب جامعي وظروفي المادية ما تسمح لي أتكفل بمصاريفهم. دخلتهم البيت بالسر لأن الأهل ضد فكرة تربية الحيوانات تماماً، وبعضهم يعاني من حساسية شديدة، فوجودهم عندي مؤقت جداً. المطلوب: أبحث عن شخص في الرياض يخاف الله فيهم، وعنده القدرة والاستعداد يعتني فيهم ويكسب أجرهم. وإذا لك رغبة بالتبني: أنا مستعد أوصلهم لين باب بيتك، وبعطيك الأكل اللي شريته لهم مجاناً. يا إخوان، هذي أرواح ضعيفة ومسكينة، وتفريج كربتهم وإنقاذهم من الشارع في هذا الحر فيه أجر عظيم ما يعلمه إلا الله، قال رسول الله ﷺ: "في كُلِّ كَبِدٍ رَطْبَةٍ أَجْرٌ". اللي له رغبة وحاب يكسب أجرهم في هالأيام الفضيلة يتواصل معي على الخاص، والله يكتب أجر كل من بيساعد بتبنيهم أو حتى بنشر الإعلان ويرزقه من واسع فضله رقم الجوال ( رقم الجوال يظهر عند الضغط على زر تواصل )