😎العميل::السلام عليكم.. كيف حالك يالحبيب المؤسسة::وعليكم السلام ورحمة الله وبركاته حياك الله يخوي ،تفضل ، آمر ، تدلل وابشر.. 😠سؤال يالحبيب الله يسلمك::أبسألك ، كم وزن الكرتون؟ 😟جواب:: حياك الله ، وناخوك::وزن الكرتون 5 كغ 🧐طيب سؤال ثاني يالحبيب ، إيش فيه داخل الكرتون؟ جواب::فيه سلمك الله داخل الكرتون كيس واحد ، وزنه 5 كغ 😥سؤال ثالث يالطيب ،طيب كم سعر الكرتون؟ 🤗جواب::سعر الكرتون 95 ﷼. وناخوك 🤒سؤال رابع معليش ، هل السعر شامل ضريبة القيمة المضافة؟ جواب::ايوه ، السعر شامل ضريبة القيمة المضافة سؤال خامس::انتم بهاراتكم ذي جديدة ولا قديمة؟ جواب::والله يالحبيب ، حنا بهاراتنا كلها مانسويها إلا على الطلب ، يعني يوم تطلب والأمور طيبة ، طازج على طول ولا فيه شي عندنا مجهز قديم. سؤال سادس ، حنا مطعم ولازم عينة أول مرة تعرف لازم نجرب وماندري عنها بعد؟ جواب::ابشر يخوي ، أكيد متوفر ، طيب ، خذلك كيلو ب 30 ريال وجرب ، لأن علشان تجرب ومن حقك أصلآ تمام ، ولا خذيت وجربت وجازلك الوضع ، من عاد تطلب المرة اللي بعدها كرتون وتاخذه جملة أبركلك ، زين سؤال سابع::طيب وش دراني إنها زين يمكن آخذها ولاتجوزلي؟ 🥴جواب::والله ونا خوك ماتعرف لين تاخذ وتجرب ويوم تجرب اكتب بالتعليقات مباشرة لاترجعلي تمام ، لأن العين مغرفة الكلام 🤕سؤال ثامن::طيب هل عندكم شحن لخارج منطقة القصيم؟ 🤠جواب:: إلا أبشر ، متوفر ، شفلك أقرب مكتب شحن وارسلها لك عليه 🤔سؤال تاسع:: متى توصلني طيب؟ 🤓جواب::توصلك على حسب المنطقة اللي انت فيها ، لو انك بالرياض ولا حائل ، 24 ساعة تستلمها ولو انت ابعد من كده جده ، دمام، خبر، نجران ... عادة 3 ايام 😢سؤال عاشر::الشحن على مين طيب؟ 😌جواب::الشحن على العميل ، هذا العرف السائد اليوم 🤨سؤال 11::طيب كم بياخذون الشحن؟ 🥺جواب::شف ونا خوك ، على حسب الشحن اللي تبيه ، لكن حنا متعاملين مع مكاتب تشحن وتوديلك اياه ب 23 ريال 😡سؤال 12::طيب ، كيف احاسب عليه الحين ولا عند الاستلام؟ 😁جواب::والله يالخوي عندنا الطريقة برسلك رقم الحساب وتحول عليه تمام ، واول مايوصل التحويل وترسلي الايصال ، ابشر فورآ تطلعلك 😕العميل 13::خلاص اجل ارسلي كيلو نجرب ، وبإذن الله خير،يلا ارسلتلك ايصال التحويل 😃المؤسسة::ابشر ، وصل ، أول مااحطها بالشحن أبرسلك الإيصال ، ومتواصلين بإذن الله تعالى.