تويوتا افالون ليمتيد 2011
قير اوتماتيك
بنزين
الممشى: 300 ألف كيلو أو أكثر
السلام عليكم و رحمة الله و بركاته ..
كما هو مذكور بالعنوان السيارة افالون 2011 فل كامل
الموتر امريكي و محول سعودي
المحركات :
المكينه : شرط .
.
القير :
كنت اعاني من تاخير بالنمر و لكن فحصت و طلعت مشكلة حساسات و الحمدالله غيرتها و لي فتره اروح و اجي عليها امورها تمام بس احيان مو دايم تتاخر تاخر بسيط بين الـ N و D و لكن سالت وما تضر ابدا و احتمال كبير ما يبين حتى للي يفحص ان فيه شي و لكن ذكرتها لابراء الذمه وماهو شي يضر المستخدم 👍.
.
البودي :
مرشوش كامل قبل فترة مهو بسبب حوادث قويه اغلب اللي جاته حكوك و دقات بسيطه وموجوده كلها بموجز و لكن السبب الاساسي هو التشهيب و التبهيت و الان رجع و احتمال اني ارش مره ثانيه اذا لقيت فرصه ووقت ان شاء الله .
.
الممشى : 335000 Km
و لا زالت تحت الاستخدام بالنسبة لمديلها و اخواتها بالسوق جدا ممتاز و اغلب استخدامي لها خطوط بحكم دوامي خارج المنطقه و بسم الله عليها ملكة بالخط اسم على مسمى راحة و صرفيه 👑
.
الداخلية :
مرتبة السايق و المعاون منجدة الباقي وكالة و يوجد تشققات في المرتبة الخلفية الجهة اللي خلف المعاون 👍
.
العضلات و الميكانيكا :
انا ما فحصتها للامانه بس اللي واضحلي من استخدامي الهوبات تحتاج خرط و احتمال عامود الدركسون الداخلي يحتاج تغيير و كلها ما بتكلف و لكن ما جاتني الفرصه بحكم الدوام .
.
المواصفات :
مواصفات الفل المعروفة فتحة سقف - 6 سلندر - تشغيل بصمة - قير اوتوماتيك - ريموت - أنوار ليد - مقاعد جلد - مقاعد كهرباء - تبريد تسخين مقاعد - إشارة بالمرايات - كشافات ضباب - شاشة - كاميرا خلفية - زجاج كهرباء بالكامل ‏- مثبت سرعة - مانع انزلاق ‏- مدخل AUX ‏- مدخل USB - مدخل CD - بلوتوث - جنوط و ذاكرة تخزين مراتب و باقي المواصفات المعروفه يمكن شي ما يحضرني الان
.
الموتر طيب و وقفته طيبه بالحيل و هو الى الان تحت الاستخدام و قبل فترة نزلتها معارض الجوهره و عطوني ثلاثين و رافض البيع و لان البيع من باب التغيير فقط و لو ما جابت اللي ببالي مكانها محفوظ .
.
اعتذر على الاطالة و لكن حبيت اوضح كل صغيرة و كبيرة حتى يكون المشتري على بينة و لا ننسى قول قوله تعالى ( وَيَا قَوْمِ أَوْفُوا الْمِكْيَالَ وَالْمِيزَانَ بِالْقِسْطِ وَلَا تَبْخَسُوا النَّاسَ أَشْيَاءَهُمْ )
.
الصامل ما بقصر معاه ان شاء الله و كل شي واضح و البيع سمح ماله داعي البخس و كل شي موضح ، دور على قد فلوسك مو تبخس حلال المسلمين على قد فلوسك ..
.
للتواصل : واتس فقط و اي استفسار انا حاضر و كرماً تجنب الاتصال مراعاة لظروف الناس و دوامي مهو ثابت بوقت معين فالمعذره من الجميع .
.
.
.
اعتذر عن الاقساط و البدل
.
.
.
.
تم ارفاق فديو مختصر ، يوجد تقرير موجز 👍
