دودج تشالنجر SRT 2018 قير اوتماتيك بنزين الممشى: 125 ألف كيلو فورد موستنج بريميوم 2018 قير اوتماتيك بنزين الممشى: 71 ألف كيلو فورد موستنج هذا مو إعلان، هذي راي ونصيحه نوع ما إذا جيت تشتري سيارة: شيّك على موجز وشيّك على التأمين. وبقولكم ليه. وربي شهيد على ما أقول، مرتين كنت بشتري نيسان 370Z. المرة الأولى اتفقت مع صاحبها على سعر 60 ألف، وبعدها شيّكت على موجز، وربي يشهد، طلعت 7 ملاك و9 حوادث. جيت قلت له: بحكم الحوادث أنا مستعد أشتريها بـ40 ألف. وقتها زعل وسوى دراما وتحسب عليا وقلي تبخس. المرة الثانية اتفقت على 56 ألف، ولما شيّكت على موجز طلع فيها حادث قوي جدًا، والمشكلة أني سألته قبل وقال: "لا، شد بلد". السبب الثاني هو أسعار الموتر ، لمن تجي تسوي تامين يعطيك تصورًا قريبًا من القيمة الفعلية للسيارة فا تقدر تتفاوض على سعر بحكم القيمه التقديرية لسياره يجيك واحد يظن موتره يسوى 100 ألف وهو بالكثير يسوى 50، ويقول لك: "لا تبخس السلعة، حلالي وأنا حر فيه، ومكانه محفوظ" وغيرها من العبارات الا لاتودي ولا تجيب. يا شيخ، إذا ما لك نية تبيع إلا على مزاجك، لا تحط إعلان من الأساس، اعرضها بين معارفك أفضل. أما إنك تجي وتسوي دراما علينا، فنحن هنا في سوق بيع وشراء. صحيح الواحد حر في حلاله، لكن اختصارًا لوقت الناس حط سعرًا منطقيًا. عشان كذا شيّك على تسعيرة التأمين. مثلًا إذا GT86 موديل 2013، ممكن يطلع تقييم السيارة 29 ألف ريال. وقتها طبيعي تبيعها بـ35 ألف إذا كانت نظيفة وعليها إضافات، أما أنك تطلب 50 ألف فهذا مبالغ فيه.( ذا فقط مثال) المهم، هذا رأيي، وأتمنى الكل يستفيد.