فل كامل 2014 قير اوتماتيك بنزين الممشى: 154 ألف كيلو بسم الله والصلاة والسلام على سيدنا محمد عليه افضل الصلاة والتسليم .. للبيع كيا ريو فل كامل موديل 2014 جنوط 17 - فتحة سقف - عداد رقمي - اضاءة ليد في السقف معاها مفتاحين ريموت .. مجددة ومفحوصة الممشى 154 الف قابل للزيادة مثبت في تقرير موجز السيارة استخدام شخصي حول الاربع سنين وفترات كانت واقفة لكن الفترة الاخيرة اكثر من سنة استخدام يومي للدوام حول 120 كيلو بشكل يومي وماشاء الله تبارك الرحمن السيارة مافيها اي مشاكل باذن الله في المحرك او في القير او حتى في التكييف .. صرفية البنزين الفل بنزين احمر 85 ريال تمشيك 500 كيلو حسب الدعسة ، محافظ على صياناتها اول باول يتم تغيير الزيت كل 4 الاف واغلب القطع اصلية وموجودة بالفواتير خلال تملك السيارة تم صرف حول ال 3 الاف ريال عليها على ممشى 110 تم عمل تصفية مكينة وتغيير بواجي وكويلات وطرمبة بنزين وحساس vvt وبلف بخار الزيت وتغيير زيت الفرامل وتغيير جميع ليات دورة التبريد مع سائل تبريد بريستون .. السيارة تبرئة ذمة فيها حادث اتوقع من جهة السائق حسب الفحص والايرباق طالع من المالك السابق .. ولكن من وقت تملكها ولله الحمد لم تتعرض لحوادث ولا يوجد اي شيء يؤثر في السيارة ، البودي فيه رشوش متفرقة وتم توضيحها في الصور لبعض .. تم مسح راس المكينة بسبب الحرارة وتغيير جلود بلوف ووجه غطاء بلوف وتغيير صوفة زيت امامية وخلفية وراديتر جديد ولا تعاني من اي مشاكل حرارة او نقص في سائل التبريد ولله الحمد ، مغير كفرات امامية جديدة حول 6 شهور والخلفية فيها نص عمر هانكوك وباذن الله انها جاهزة للمستخدم واستخدمها بشكل يومي بلا مشاكل الحمدلله. السيارة ممتازة للاستخدام موفرة في البنزين وقطع غيارها رخيصة جداً وفي المتناول وسهلة الصيانة واسال الله ان يبارك لنا ولكم وللجميع وباذن الله يدعي لنا اللي ياخذها الملاحظات الحالية للسيارة : تحتاج كرسي مكينة تسبب هزة عند الوقوف على D وطقطقة في الدركسون اتوقع من علبة الدركسون لكن غير مؤثرة وتربيط بعض العضلات اتمنى من الله اني مانسيت اي ملاحظة في السيارة ابراء للذمة واذا تذكرت راح يتم ابلاغ المشتري باذن الله الحد 21 والبيع باذن الله سمح بحدود المعقول اسال الله التوفيق والبركة للجميع .. التواصل عالخاص للجادين