تويوتا افالون ليمتيد 2012 قير اوتماتيك بنزين الممشى: 172 ألف كيلو بسم الله الرحمن الرحيم السلام عليكم اذكروا الله وصلو على النبي اعرض لكم سيارة تويوتا افالون فئة ليمتد فل كامل مواصفاتها معروفة ما ودي اذكرها علشان ما يطول الاعلان اللي ما يعرفها يبحث عنها بالنت وكمان لاني بذكر تفاصيل كثيرة مجدد الاستمارة جديدة الفحص دوري لا يوجد والسبب القزاز الأمامي فيه صدع ولا ارغب في تغيير قزاز الوكالة السيارة مالك اول الي هو أنا مطلعها على يدي وكالة عبداللطيف جميل عداد 172 الف كما هو واضح في الصور قابل للزيادة البسيطة لونها بني محروق داخليتها بيج بالنسبة للحوادث ما فيه ولله الحمد كلها حكات من خفيفه إلا متوسطة لا يوجد رش إلا الصدام الخلفي والسبب دقه خفيفه وما تتصلح إلا بتعديل خفيف ورش الصدام الرفرف اليسار حكه والسيارة كانت واقفه بالجهة الي فوق الكفر وتم تعديلها على البارد بدون رش وبدون تغير رفرف والصراحه يبغالها تعديل افضل طبعا شمعات الوكالة لكن تم تعديل العدسات وتركيب انوار ليد ( ليزر ) عالي فيها خطين عالي و واطي واضاءة مع تركيب ليد في العالي يعني عندك عدد 4 انوار عالي السيارة ممتازة للخطوط والطرق المظلمة تم تغيير الكمبروسر والثلاجة ورديتر مكيف والمكيف شغال تمام وكل القطع الخاصة بالمكيف من شركة دينزو المعروفة تم تغيير كراسي القير والماكينة ما يحتاج تغيرها الداخلية مثل ماهي واضحة بالصور نظيفة اكثر شيء مكروف مرتبة السائق والباقي مع المراتب الخلفية الي نسيت أصورها حالتها ممتازة بالنسبة لموديل وعمر السيارة الأدراج في باب الراكب والسائق مكسورة ولا صلحتها الستارة الخلفية مرفوعة ولكن لا تعمل وتم فصل السلك تبعها زيت القير اغيرة بنتظام المرة الاولى في الوكالة والمرة الثانية بمركز صيانة وسليم ولا يشكو من شي ولله الحمد المكينة أغيرها زيت اصلي اخذة من الوكالة وأغير برا مع فتلر زيت اصلي ( أنا هذا نظامي ) علشان أحافظ على المكنية والحمد لله المكينة ما انفكت ولا تشكو من شيء ولله الحمد بطن السيارة مغير لها جلد عامود توازن مع طقم مساعدات KYP اربع مساعدات مع كراسي مساعد للمساعدات الامامية واخر مره شيكت على دنيتها من تحت ما فيه عندي لا تهريبات ولا صوف ولا شيء ولله الحمد والمشتري له حق يفحص بالمكان الي يبي ( لا تظلمني ولا أظلمك ) السيارة بشكل عام ممتازة بالنسبة للموديل والعمر السعر واضح 60 الف قابل للتفاوض للمشتري الصامل سبب البيع ( احتاج كاش ) وعندي سيارة غيرها السيارة معاها كتالوجات الوكالة ومفتاحين واحد ما استخدمته جديد شاشة الوكالة مع الديكور موجود عندي فكيتها وحطيت شاشة اندرويد الاسبير موجود ( جنط) اغراض البنشر موجودة عفريته وغيرة البيع بدون اللوحات البيع بدون اللوحات البيع بدون اللوحات بس وصلى الله وبارك . التواصل عبر رسايل الموقع ملاحظة :-الإخوة الشريطة انا لا ارغب ابيع السيارة لكم وأعرفكم من سوماتكم الله يرزقكم المستخدم برضو ينعرف من سومته واكرر ما راح اقصر مع الصامل باذن الله الموتر طيب ولولا الحاجه للكاش ما افكر ابيع ابد والسلام خير ختام