SRT 2013 قير اوتماتيك بنزين الممشى: 288 ألف كيلو السلام عليكم ورحمة الله وبركاته للبيع كرايسلر SRT 2013 السيارة باختصار شريتها من شخص قبل فترة وللاسف الشديد الكلام غرني وذكر انه حساس ارباق فقط وبعد ماشريت اكتشفت ان السيارة طالع ارباقها فحسبي الله ونعم الوكيل فيه قبل كل شيء ثاني شيء السيارة مشتغل عليها وتعبان عليها ومرتبها من والى وبعطيكم تفاصيل السيارة الان السيارة اتوقع فيها ضربة بالشاصي الامامي لكن ماهي مأثره على المشي ولا الوقفه ولا اي شيء حتى لما فكيت الصدام عشان اغيره ماتبين لي فيه شيء لكن من باب ابراء الذمه قلته وبخصوص الارباق تم تركيب ارباق جديد وباقي برمجته فقط السيارة عليها كت كورسا اصلي بلاك ايدشن الكتروني يفتح ويقفل بريموت وعليها عدد 2 باند وتفريغ شركة السيارة مغير لها كفرات جديدة قبل شهر عرضين تم تركيب سبيسرات خلفيه عشان يضخم حجم الكفرات ولا فيه اي رجة ولا مشاكل ولا اي خطورة ابد تم رش السيارة قبل شهر لتوحيد اللون من التشهيب بمبلغ 4500 ريال وضمان 5 سنوات على عيوب البوية تم رش الجنوط فيراني بدال اللون الاسود تم تغيير صدام امامي مع جميع البطانات والحشوات تم ترتيب الظفيرة الامامية بالكامل من والى تم تغيير لون المراتب من احمر الى اسود بمبلغ يفوق 4000 ريال تنجيد وليس تلبيس تم تغطيس جميع الدواخل كاربون تغطيس وليس تجليد ولا بلاستيك من علي اكسبريس مشتغله شغل وكالة كاربون فايبر بدال القديم لانه كان مكسر ومتهالك والتغطيس كلفني حدود 1800 ريال تم تركيب LED بدال الزنون وتم تغيير اسطبات خلفيه تم تغيير ترس الدركسون الي يرفع وينزل الدركسون كامل لانه كان مكسور تم تغيير حساسات شكمان كامله تم تغيير ديكورات داخليه للابواب لانها متهالكة تم برمجة مراوح السيارة وتركيب بلف رياضي تم تغيير طرمبة بنزين اصلية وصفاية بنزين تم اضافة ريموت فيه تشغيل عن بعد وتم برمجته كامل تم تغيير اللوحات لانها كانت مصفره ومتهالكة ومع السيارة هوبين امامية رياضية المخرمة بكرتونها جديدة اذا امداني غيرت فحمات وركبتها واذا امباع الموتر قبلها بعطي الهوبات للمشتري باختصار مهتم بالسيارة وبكثير من تفاصيلها للعلم عندي صور للسيارة قبل واثناء الرش وقبل التنجيد وبعده وكل ماتم ذكره موجود بالفواتير والسيارة للمستخدم واتمنى عدم بخس السلعة ان جابت السعر الي يرضي الله ولا بخليها واستخدمها والله يكتب لنا ولكم الخير