أغلب أصحاب المشاريع النهارده بيبدأوا غلط من أول خطوة. ناس كتير بتحط كل تحويشة عمرها في مشروع وهي أصلًا معندهاش خبرة بالمجال اللي داخلة تستثمر فيه. كل اللي شافته إن قريب أو صاحب فتح نفس المشروع وبيشتغل كويس... فافتكر إن الموضوع سهل. لكن اللي محدش شافه هو: - حجم المبيعات الحقيقي. - حجم المصاريف. - الديون. - المنافسة. - وهل المشروع أصلًا بيكسب ولا مجرد شكله ناجح. قبل ما تحط ريال واحد في أي مشروع اسأل نفسك: - هل النشاط ده لسه عليه طلب؟ ولا السوق بقى متشبع؟ - ولو فيه فرصة، كام نسبة السوق اللي أقدر أخدها؟ - أبدأ من الصفر وأشطب؟ ولا أشتري مشروع قائم (تقبيل) أوفر وأسرع؟ - أختار الموقع على أي أساس؟ - إيه اللي هقدمه للعميل يخليه يسيب المنافس ويجيلي أنا؟ - هسعر منتجاتي إزاي بحيث أكسب ومبقاش غالي؟ - لو هشتري مشروع قائم... كام سعره العادل؟ - ولو هبيعه بعد فترة... هبيعه بكام؟ - ولو المشروع ما نجحش... إزاي أخرج بأقل خسائر ممكنة؟ - وهل المشروع ده مناسب أصلًا لخبرتي وإمكانياتي؟ - وهل معايا سيولة تكفي أشغل المشروع لحد ما يقف على رجليه؟ - وهل معايا فلوس أصرف منها على بيتي والتزاماتي الشخصية خلال الفترة دي؟ خلي بالك... السوق مبقاش زي زمان. زمان كنت تفتح المحل والزبون يجي لوحده. النهارده المنافسة شرسة، والتسويق بقى جزء أساسي من النجاح، وفيه أنشطة وصلت لمرحلة التشبع، وأي قرار غلط ممكن يكلفك رأس مالك كله. أنا تقريبًا بشكل يومي بقابل أصحاب مشاريع... فيه اللي بدأ بـ 50 ألف ريال... وفيه اللي بدأ بمليون ريال... والنتيجة في حالات كتير واحدة... ديون... خسائر... مبيعات ضعيفة... ومحاولات لإنقاذ المشروع بعد ما المشكلة كبرت. وساعتها يبدأوا يدوروا على استشاريين وشركات تطوير علشان يحاولوا يقللوا الخسائر أو ينقذوا اللي باقي. ليه تستنى لما تقع؟ اعمل الصح من البداية. حدد المشروع اللي ناوي تدخله، واستعين باستشاري أو شركة متخصصة تعمل لك دراسة جدوى حقيقية، مش مجرد أرقام على ورق. تنزل السوق... تدرس المنافسين... تحلل حجم الطلب... تقيم الموقع... وتقدم لك تقرير واضح يساعدك تاخد قرار استثماري صح. ولما تكون كل المعلومات قدامك... هتعرف بنفسك: هل المشروع ده يستحق؟ ولا الأفضل تدور على فرصة أقوى؟ ولا تحافظ على فلوسك ومجهودك بدل ما تدخل مخاطرة مالهاش لازمة. محمد الشناوي استشاري تطوير المشاريع والمطاعم والإعاشات متخصص في: - دراسات الجدوى. - تأسيس وتشغيل المشاريع. - تقييم المشاريع. - البيع والشراء. - تطوير التشغيل. - رفع كفاءة الأداء وتحسين الربحية.