S500 2000
قير اوتماتيك
بنزين
الممشى: 300 ألف كيلو أو أكثر
اولاً:افلح من ذكر الله وماشاء الله تبارك الله .
ثانياً:يرجى قراءة الاعلان كامل قبل التواصل مع كامل الاحترام.السيارة للمستخدم فقط والذي يبحث عن النظيف وعلى مدى فترة طويلة وخضعت قبل عرضها للبيع لجميع الصيانات في حال حاجتها وعدم حاجتها بسبب عدم وجود نية للبيع.
- مرسيدس فياقرا 8 سلندر S500 موديل 2000 وعليها فيس لفت كامل 2005 اصلي بنفس لون السيارة من كبوت وصدامات وسمكات جانبية وشمعات امامية وخلفية اصلي ونظيف كالجديد، مواصفات 600 داخلية مطرزة وسقف شامواه لون اسود داخلي خارجي.
- عليها كت AMG اصلي وشكمان اقزوز AMG اصلي كامل مع دبات التلوث وعليها مراتب AMG اصلي موتر كفو قمة بالنظافة.
- مفحوص مؤمن واستمارة جاهز للنقل الفوري وارد الجفالي انا المالك الثالث، المالك الاول البترجي
- شرط الفحص والماكينة والقير والشاصيه
- كاتلوجات الوكالة موجودة مع فاتورة شرائها باسمها مالكها الاول البترجي من المصنع بإسمه
- السيارة بإذن الله بودي بلد بلمعة بلده عليها فقط رش رفرف يمين امامي رفارف خلفية يمين وشمال مع الشنطة بدون حوادث ولله الحمد
- قزاز بلدها بالكامل والامامي مغير اصلي و نظيف صافي وخالي من الترميل
- عدادها مغير وممشاها الحين 162 الف وكسور والعداد الاول كان على 240 الف تقريباً وقابل للزيادة
- السيستم كامل مغير من كمبيوتر ودقمة سلف وبصمة عصا قير لأن سيستم بلدها خرب من برمجة مبرمج غشيم وغيرته بسيستم الكوبيه CL عشان تشغيل بصمة القير وكرت الدخول بدون مفتاح . شغالة وامورهاطيبة فقط ملاحظة عليها عند تشغيل السيارة المكيف البارد يعمل بعد دقيقة
- واقفة على طول في القراج للمحافظة عليها من الشمس والمطر وحريص على غسلها اول باول بافضل المواد.
- قير على الشرط وتغييراته ناعمة ونشيط
-دفرنس ممتاز وفيه نتعة بسيطة مع دعسة البنزين وفحصتها ماتأثر وامورها تمام
- عضلات على الشرط ومشدود ولاشي خربان والمساعدات محولها مساعدات عادية شغلي الخاص فيها ناعمة ومريحة.
- ولايوجد تهريب او تندية او نقص وحريص عليها والصيانة أول بأول ومتعوب عليها واغلب القطع اصلية او الماني درجة اولى رغم صعوبة توفر الاصلي .
- الداخلية نظيفة بريحة الوكالة وريحة الجلد النابا وغير مدخن,وخالية من الكسور للخشب وخالية من التشققات ماعدا كرسي الراكب يوجد فيه شق بسيط غير واصح
- طرمبة البنزين مغيرة بطرمبة اصلي مرسيدس قيمتها 1200 ريال وتغيير صفاية البنزين.
- المكيف ثلج بارد ومغير الفلاتر ومنظف فلاتر البيئة
- المكينة شرط من عزم وصفاوة وتم فك المكينة من باب الصيانة واسهل في العمل وصيانة التالي:
جميع الصوف والقازقيت في المكينة، طرمبة موية وطرمبة زيت وتصفية ماكينة كامل وحساسات وجلد بلوف وتكايات ومسح الراس على نظافة وبواجي وكويلات وتنظيف البخاخات وسير وراديتر دانماركي وتغيير جميع الخراطيش
- حرارتها ثابتة على ال80 ماشاء الله لاقوة الا بالله
- تم تركيب مروحة مرسيدس اضافية مع المكيف لتقليل الجهد على المروحة الريئسية ولأداء افضل للمكيف مع كتاوت اودي اصلي وتسليك مرتب
- عليها مبرد قير اضافي 40 الف وحدة كندي اصلي .
- السيارة صافية ومريحة وراسية في الخط او في المدينة متماسك وثابت وبدون قربعة واصوات زي الجديد.
- كفرات جديدة امامي صيني مقاس 255/45/18 والخلفي هانكوك مقاس 275/45/18
*عليها عازل حراري من N-Shild والشمعات عليها حماية من 3M
*الزيت زيت فالفولاين ارامكو 20w50 ويتغير اول بأول كل 4000 كم ولاحرق ولا نقص ولادخان .
🔺باختصار كل شي يعمل وقليل الخراب وسيارة عملية اعتمادية واسافر عليها من الرياض لجدة ومكة والباحة
