لكزس LX 2015 قير اوتماتيك بنزين الممشى: 300 ألف كيلو أو أكثر -جيب لكزس أسود 2015 الممشى 326 -الموتر ممتاز له عشر سنوات ما شكى من شيء، والمستخدم بيدعي لي -استخدام شخصي ومعي من الوكالة ومريح جدا في الاستخدام -القير والمكينة شد بلد، والقطع الاستهلاكية نافضها نفض كامل في العضيب قبل شهرين بحول 10 الاف والفواتير موجودة -الشاص سليم والايرباق سليم، والبودي فيه رش في الجانب الأيسر، وتعديل على الرفرف الأمامي يمين، وتعديل على أسفل الشنطة يسار من غير رش، بسبب حوادث بسيطة ما أثرت على السيارة: الأول: حادث قديم قبل 10 سنوات على الجانب الأيسر: (واحد صدمني عند لفة) وتصلح في وقته. الثاني: طقة خلفية وانا على طريق الملك عبد الله: وهي سبب التعديل البسيط أسفل الشنطة، الثالث: طقة على الرفرف الامامي اليمين وانا على الدايري. ويوجد فحص كامل للموتر من مركز كارتك يوضح كافة التفاصيل والملاحظات مرفق مع الصور، مذكور فيه تبخير طبيعي في المكينة وصوت في السير يمكن يحتاج تغيير، وعموما الفحص فيه كل التفاصيل. -الموتر مستخدمه ومستفيد ومنه، وسبب البيع الرغبة في التغيير في حال جاب قيمة، والا نفعته احسن من بيعته. البيع على السوم، وأرجو على الاطلاع على الصور والتقرير قبل التواصل