شيفروليه تاهو LT 2018 قير اوتماتيك بنزين الممشى: 299 ألف كيلو السلام عليكم ورحمة الله وبركاته أتمنى قراءة الاعلان كامل زين الله يسعدكم للبيع تاهو بدون دبل LT 2018 لونه رصاصي غامق ماشي 299 قير مكينة شواصي أرباقات تكييف كلها شرط الشرط الموتر بوديه وكاله حتى صداماته وكالة مافيها رش جتني صدمة خفيفه في باب السواق والباب الي خلف السواق وتم تغيير ابواب ورشها فقط وعندي صور الحادث قبل الرش وارجع اقول الارباقات كاملة سليمة معدل ضربة بالرفرف امامي يمين تعديل بارد في مركز زوم كار اصغر من مقدار كف اليد وماهو واضح وعندي صور قبل وبعد التعديل الموتر نظيف من ناحية بدي ومحركات حتى داخليته بدون أي تلف ولا قطوع ولا كسور الموتر انا ثاني مالك له من سنتين تقريباً أخذته من شخص كبير في العمر بحالة الوكالة وأضفت عليه بعض الأشياء وللعلم أنا شخص أبو عيال ومحافظ جداً لكن أحب أعدل على السيارة كشكل فلا تتوقع أني من الي يبهذل السيارة ويلعب فيها حتى البر مادخلت بالموتر الا مرة وحدة بس الاضافات : 1/ عليه مبرد قير 40 الف وحدة مع ليات مخصصه للمبر تتحمل الضغط العالي بمبلغ 1500 ريال وضمان سنتين 2/ عليه زنون عالي وواطي يفرش الخط بقيمة 1400 ريال 3/ عليه داش كام أمامي وخلفي وفيه خاصية التسجيل والسيارة طافية بسعر 900 ريال 4/ كفراتها جديدة قبل تقريباً 7 شهور تم تغييرها 5/ مركب عليه سبيسرات أمامي وخلفي (( تباريز )) مخصصه للتاهو بدون فك ولا تعديل ولا قص ولا خرط ومركبها من أكثر من سنة وشوي وسافرت عليه أكثر من 20 مرة لافيها لا رجه ولا خطورة لانها طابقه على الهوب لاني زي ماذكرت مخصصه للتاهو ومن شركة امريكيه مو تفصيل الصناعيه وعليها الاسم والختم مشتراها ب 1500 بعد الخصم وتقدر تفكها من أي بنشري عادي 6/ السيارة حالياً راش فيها الشبك والجنوط والمساكات وحواف القزاز اسود مطاطي قابل للازالة بكل سهولة بقيمة 1300 ريال وتقدر بأي وقت تشيله وترجع اللون نيكل 7/ مركب حماية PPF على الشمعات والكشافات بقيمة 500 ريال 8/ عليها لوحة شبه مميزة 7111 مشتريها ب 3000 ريال 9/ توني مغير زيت وفلتر القير مامشيت عليه 20 الف زيت المكينة يتغير كل 5000 تخليقي بالكامل السيارة لا صوت بالمكينة ولا حرارة ولا مشاكل وتم تغيير موية رديتر وقربة قبل 6 اشهر من باب التجديد لا اكثر قزازات السيارة وشمعاتها واسطباتها كلها وكالة وللعلم الوطايات الجانبية موجودة مغلفها وشايلها بالمستودع سبب البيع التغيير أن جابت السعر الي يرضي الله ولا خليته ، بالعربي السيارة دق سلف وتوكل على الله وسافر والله يكتب لنا ولكم الخير