2010 قير اوتماتيك بنزين الممشى: 300 ألف كيلو أو أكثر السلام عليكم ،، هذي سيارتي الخاصه من 12 او 13 سنه وهي معي .. خذيتها وكان فيها رش رفرف بس بدون سمكره .. وانا رشيتها كامل قبل اقل من سنه لاجل الفحص ومع الرش سويت بعض الطقات البسيطه فيها في الرفارف الخلفيه وصار فيها سمكره اعتقد لان قلت له صلحها ولا سألت عن كيفية الاصلاح. بالنسبه للمكينه غيرتها قبل عشر سنين وللحين امورها تمام .. كل 4 الاف كيلو اغير الزيت مع الفلتر. القير اموره سليمه ولا اشتكيت منه الحمدلله. المكيف غيرت الكبرسر وركبت ماليزي قبل ثلاث سنين او اربع واموره زينه.. الشاصي سليم والايرباقات سليمه. ما تسجل عليها ولا حادث وهي معي .. الكفرات ركبت اربع جديده من نص رمضان الفايت. نفضت بطنها قبل اقل من سنه وفحصتها وجددت استمارتها. غيرت حساس الكرنك والتيمن والطقاق وغيرت السلف وشريحة البوري وتو مركب بطاريه قبل كم شهر .. وغيرت العكوس ياباني ومكرة الكمبرسر اصلي والصوفه والزجاج الامامي غيرته لاجل الفحص. باختصار انا اشتغلت فيها لنفسي مو لاجل ابيعها. واسافر عليها الشرقيه والشمال وكل مكان مع الاهل واضمنها والضامن الله. العيوب: مدخل الشاحن ما يشتغل .. يبيله تغيير . ومسجل السياره والساعه ما يشتغلون، مسكت الدركسون متقطعه. السياره تصلح لشخص يبي حاجه رخيصه وعمليه او يبي سيارة لولده. انا ادري ان اقيام نظيرها 10 الاف .. لكن قل ما ينوجد سيارة مستعمله ما تحط فيها شي بعد الشراء لذلك اطمع انها تجيب اكثر لاجل ما اتردد في بيعتها والسوم مفتوح. اعتذر عن الإطاله والسلام عليكم