نيسان ددسن 2013 قير عادي بنزين الممشى: 276 ألف كيلو  دبل الموتر مالك ثاني له معي اكثر من عشر سنوات اشتريته عام 36 او 37 من مزادات الشركات بالدمام الممشى :276 الف محركاته قيره دبلاته كل شي على الفحص بإذن الله الاستمارة جديدة والفحص جديد شغل وامش الموتر استخدامي الشخصي و كل شي ابدله اول بأول … الملاحظات الرفرف الامامي اليسار رشيته عند ورشة الوان بحائل سبب تقشير موجوده صورته قبل الرش معاي صار دقشتين الاول طعج بسيط بالصدام الخلفي عدلت الصدام وبدلت قواعد الصدام كلفني 200 ريال .. والثاني الرفرف الخلفي اليسار ما صلحته للحين طعج بسيط كبر الكف و موضحه بالصور (والدقشتين موجودات بتقرير موجز) البدي قبلي ماهو خلي من تلقيطات بسيطة بعضها اكتشفتها بعد سنوات من استخدام السيارة كأن فيه سمكره بالباب الخلفي اليسار و طرف باب السائق وترى مو متأكد لذلك الصامل ياخذ ويفحص لأني اشتريتها من مزاد علني وفحصي استخارة ونظر ما فحصت يعني… واذا فيه شي ما ادري عنه ما فيه بيع الا بعد الفحص ابراء للذمة الاضافات (مراتب امامية مفصولة ومركا ودرج باثفندر) (فرارات) (تدبيل المساعدات الأمامية عشان المطامر بإضافة مساعدات مرسيدس جنب مساعدات الوكالة تعديل ورشة داكار بحائل والحمد لله فرقت كثير ) (شاشة اندرويد فيها برنامج نافيتيل وخراىط الصحراء) السعر على السوم ما عرضته للبيع الا الحين الصامل يتواصل معي واتس موجود تقرير موجز الصامل ارسله له الموتر للمستخدم يبي يدعي لي بإذن الله