XLT 2008 قير اوتماتيك بنزين الممشى: 300 ألف كيلو أو أكثر  دبل السلام عليكم ورحمة الله و بركاته الله يسعد اوقاتكم بكل خير للبيع سيارة اكسبلورر موديل 2008 فئة XLT دبل 6 سلندر سعودي توكيلات الجزيرة اللون ذهبي أو صخري وفي الاستمارة فضي استمارة جديد و فحص جديد قبل شهرين تقريباً ممشى السيارة 310 آلاف الموتر على موديله ممتاز ما شاء الله البدي على كلام صاحبه السابق سليم ( فيه تبهيت بسيط في اطراف الرفارف الامامية و الكبوت ومبين في الصور ) البدي لا يخلو من الملاحظات البسيطه والخدوش بحكم موديل السيارة جميع الجامات و الزجاج الامامي والخلفي حق وكالتها ما تغير داخلية السيارة شبه جديدة و نظيفة جداً ما فيها اي ملاحظة مكيف مركزي و بارد ما شاء الله و المكيف الحار مفصول ومغير مسجل السيارة بشاشة من ( HAB ) وتعتبر افضل شركات الشاشات ومركب له كاميرا أمامية و خلفية و مسجل الوكالة موجود الماكينة ما شاء الله لا نقص ولا حرارة القير على كلام صاحبه السابق موضب والان فيه اشكالية بسيطه وبعد الكشف عليه قالوا يبغاله تغيير كلتشات وموضوعه بسيط جداً والموتر شغال واروح واجي عليه الدبلات ما شاء الله شغاله وما فيها اي ملاحظة ومركب لها من صاحبه السابق فصال يفصل الدفع الرباعي المستمر اخف للسيارة اكثر قطع السيارة الاستهلاكية مغيره و مغير له سلف جديد و حذاف ومغير طقم قازقيت كامل وأكثر الصوف و كلتش المروحه و مغير الهيئة الأمامية كامله وبطن السيارة باذن الله ما فيها اي ملاحظة مغير لها بطارية جديدة و الكفرات جديدة مغير له طقم أنوار امامية عشان الفحص وانوار وكالته موجودة يبغالها تلميع الموتر استخدام عائلة ولا يخلو من بعض الملاحظات البسيطه جداً اللي ما تعيبه لمبة المكينه شغاله من حساس الشكمان وهذه في أغلب سيارات فورد لمبة الايرباق شغاله لكن الايرباق سليم باذن الله المشكله من فيش المرتبة لمعت داخلية السيارة قبل سنتين واشتغلت اللمبة بعدها وفحصته كمبيوتر واعطاني الاشكالية من فيش المرتبة السيارة على وضعها لا غسلتها ولا شيء واحسن من الصور جميع كتالوجات وكتيبات السيارة من وكالتها مع كتيب الضمان الممتد موجودة وان شاء الله اني ذكرت كل شيء اعرفه في السيارة لإبراء الذمة وسبب البيع لعدم الحاجه واغلب الوقت واقفه ولوجود سيارة بديلة والبيع سمح باذن الله والله يرزقنا واياكم من واسع فضله (( كرما التواصل على الخاص الله يعطيكم العافية ))