GL 2018 قير اوتماتيك بنزين الممشى: 200 ألف كيلو السلام عليكم ياليت تقرأ الإعلان كامل للآخر قبل تتواصل. ما شاء الله تبارك الله، أعرض لكم هيونداي أكسنت 2018 نظيفة جدًا ومهتم فيها من أول يوم. * المالك الأول * سعودي * اللون أسود * ممشى ممتاز * مجددة ومفحوصة الحالة: * المكينة شرط، شد بلد، ما قد انفتحت. * القير شرط، شد بلد، ما قد انفك. * الشاصي شرط. * البدي وكالة كامل، ما عدا باب واحد رش تجميلي فقط. * الإيرباقات شرط، ما قد انفتحت. الفحص بأي مكان تختاره، وإذا طلع فيها شيء يخالف كلامي أنا أتحمل قيمة الفحص. جميع الصيانات معمول لها في بترومين، وكل الفواتير موجودة من أول تغيير الزيت إلى الصيانة الدورية، تصفية المكينة، البواجي، المساعدات وغيرها، كلها مسوية عند بترومين وعلى يد فنيين مختصين. السيارة استخدام شخصي، دوام ورجعة فقط، ومهتم فيها جدًا. أنا أول مالك طلعها من الوكالة، وإذا بموجز مكتوب مالكين فهذا بسبب إنها كانت باسم البنك أول ثم انتقلت باسمي. السيارة كلها وكالة، مستخدم لها بنزين 95 فقط، وتغيير الزيت دائمًا بوقته، وما قصرت عليها بأي شيء. جاهزة للاستخدام، شغّل وامش، ما تحتاج تصرف عليها ريال. وصلني فيها 31 ألف وما بعتها، وحدي النهائي 33 ألف. أي مبلغ أقل من كذا أتمنى عدم التواصل نهائيًا. إذا أنت فاهم السعر ومناسب لك حياك الله، أما المفاوضات تحت الحد فلا تتعب نفسك ولا تتعبني. الله يكتب الخير للجميع.