خرافة خسّرت أصحاب مطاعم فلوس كتير: ابدأ كبير أنا بقولك العكس... لو بدأت كبير فلوسك اسرع تطير ابدأ صغير في حجمك... كبير في نظامك كتير من أقوى البراندات والمطاعم اللي في السوق النهارده كانت بدايتها بسيطة جدًا، لكن كان عندها إدارة صح، ونظام واضح، وخطة للتطوير إنما تبدأ بمطعم كبير من أول يوم، وإنت لسه ما اتعلمتش السوق ولا التشغيل ولا إدارة التكاليف... دي مخاطرة كبيرة جدًا اللي بدأ من 20 سنة ووصل لفرع أو عشرة فروع... ماوصلش ليهم في يوم وليلة غلط... واتعلم... وصحح... وطور... وكبر خطوة بخطوة. حتى لو معاك رأس مال كبير... ده مش معناه إنك تصرفه كله في أول مشروع ابدأ بمشروع تقدر تسيطر عليه، اتعلم منه، ابنِ نظام تشغيل قوي، وبعدها كبر وإنت واقف على أرض ثابتة النجاح في المطاعم مش بيقاس بحجم البداية... النجاح بيقاس بقدرتك على الاستمرار والتطوير محمد الشناوي أساعد أصحاب المطاعم والمستثمرين على بناء مشاريع ناجحة من البداية، من خلال دراسات وتحليلات تشغيلية تساعدهم على تقليل المخاطر، وحماية رأس المال، واتخاذ القرار الصحيح قبل الاستثمار